چڱي ۽ بري لالچ

حرص کان بچڻ جي لاءِ ان جي پيدا ٿيڻ جي سببن کي ڄاڻڻ به نهايت ضروري آهي۔ بُري حرص جي پيدا ٿيڻ جا ڪجھ سبب هي آهن:

پيارا پيارا اسلامي ڀائرو! بُري حرص پيدا ٿيڻ جو وڏو سبب صحيح تربيت جو نه هئڻ آهي ڇوته جهڙي تربيت ٿيندي اهڙو ئي اثر ظاهر ٿيندو، جيڪڏهن والدين ٻارن کي ۽ استاد پنهنجي شاگردن (Students) کي دنياوي جاه و منصب، مال و متاع ۽ انهن کي انهن جي منزل بابت ٻڌائيندا ته هو يقيني طور تي پنهنجي انهيء منزل جو حرص رکندا ۽ انکي ماڻڻ جي لاءِ ڏينهن رات هڪ ڪري انهي طرف ڏانهن وڌڻ جي ڪوشش ڪندا۔

جيڪڏهن انهن کي خوفِ خدا جي باري ۾ ٻڌائيندا، عشقِ مصطفيٰ جو جام پِيئاريندا ته يقيناً انهن ۾ حرص به انهيء شيء جو پيدا ٿيندو جيئن ته حضرت علامه عبدالرحمن ابنِ جوزي رَحْمَةُ اللهِ عَلَيْه فرمائن ٿا ته منهنجي سنجيده طبيعت، مذهبي لڳاءُ ۽ دين ۾ اڳتي وڌڻ جي جستجو ۾ لڳل رهڻ جو سبب منهنجي استاد سڳورن جو انداز هو ڇوته انهن مان اڪثر گهڻو روئڻ وارا، رِقّتِ قلبي رکڻ وارا هئا ۽ اهڙي رِقّت هوندي هئي جو جڏهن اهي روئيندا هئا ته گھڻي دير تائين روئيندا رهندا هئا، انهن کي ڏسي ڪري منهنجي اندر به اهڙو ئي جذبو پيدا ٿيڻ لڳو ۽ مان به پنهنجي دل ۾ رِقّت ڏسان ٿو۔^{(^[1])}

بُري حرص پيدا ٿيڻ جو هڪ سبب علمِ دين کان دوري پڻ آهي ڇوته انسان جنهن شيء جو علم ناهي رکندو، ان کي ڪري وٺندو آهي ۽ اهڙي طرح گناهن ۾ مبتلا ٿي ويندو آهي۔ علم جي برڪت سان انسان کوڙ گناهن کان بچي نيڪي جي ڪمن ۾ مصروف ٿي ويندو آهي۔

گناهن جي حرص کان بچڻ جا ٽي علاج

[1] حفظ العمر،مقدمہ ،ص9، دارالبشائر الاسلامیہ بیروت

Important

Mobile Apps

Contact Us