خرے د خبر وركولو باوُجود هم واپس نه شو او “ حُسبان “ نامې غر ته اوختلو او د حضرت سَيِّدُنا موسٰى عَلَيْهِ السَّلام لښكر ته ئې په غور كتل او ښيرے ئې شروع كړې. خو د خدائے شان اوګورئ چې هغه به ښيرے د حضرت سَيِّدُنا موسٰى عَلَيْهِ السَّلام د پاره كولې خو په ژبه به ئې خپل قوم ته ښيرے جاري شوې. قوم ئې چې دا حال اوليدلو نو هغه ئې ډير ځل اورټلو چې اے بَلْعَمْ! ته خو اُلټه [مونږ ته] ښيرے كوے. هغه اُووئيل : څه اوكړم! زه وائم هغه څه چې تاسو غواړئ خو  ژبه مې بل څه وائي! بيا ناڅاپه په هغه د الله پاک قهر نازل شو او ژبه ئې را اووتله او په سينه ئې رازوړنده شوه . هغه وخت بَلْعَمْ بِن باعُورَاء خپل قوم ته په ژړا اووئىل : افسوس! زما دُنيا او آخرت دواړه برباد شو ، زما نه اِيمان لاړو او زه د الله په قهر او غضب کښې ګرفتار شوم. ځئ لاړ شئ! نوره زما يوه دُعا هم نه شي قبليدلے.^([1]) 

صَـــلُّـــوْا  عَـــلَـی   الْــحَـــبِــيْــب!                    صَـلَّـی اللهُ   عَلـٰی   مُـحَـمَّد

د بد لالچ انجام

د دې واقعے ذكر په سيپاره 9  سُوْرۂ اَعْرَاف آيت نمبر 175 کښې دے :

وَ اتْلُ عَلَیْهِمْ نَبَاَ الَّذِیْۤ اٰتَیْنٰهُ اٰیٰتِنَا فَانْسَلَخَ مِنْهَا فَاَتْبَعَهُ

مفهوم ترجمۀ کنزُ الاِیمان : او اے محبوب دوئي ته احوال واوروه د هغه ، چا ته چې مونږه خپل آيتونه وركړي وو ، نو هغه د هغې نه بالکل