لالچ “ . په دې بيان کښې به مونږ اورو : ژبه ئې په سينه را زوړنده شوه ، حِرص څه ته وائي ، د حِرص انجام ، د مال د حِرص مصيبتونه ، د لالچ طمعه ، خراب حِرص نه د بچ كيدلو او د ښه حِرص اختيارولو طريقے. د دې نه علاوه به نور هُم د ډيرو اهمو معلوماتو اوريدلو سعادت حاصلوو. په ډيره توجه او د زړه په حاضرئ سره پورا بيان د اوريدلو كوشش اوكړئ ، اِنْ شَـآءَ الـلّٰـه د ډيرو معلوماتو خزانه به په لاس درشي.

صَـــلُّـــوْا  عَـــلَـی   الْــحَـــبِــيْــب!                    صَـلَّـی اللهُ   عَلـٰی   مُـحَـمَّد

ژبه ئې په سينه را زوړنده شوه

     مُفسرِ قرآن حضرت علامه احمد بن محمد صاوي رَحْمَةُ اللهِ عَلَيْه په تفسيرِ صاوي کښې ليكلي دي چې : بَلْعَمْ بِن باعُورَاء د خپل دور يو ډىر غټ عالِم ، عابد او زاهد وو. هغه د اِسم اعظَم علم هُم لرلو. هغه به په خپل ځائے ناست وو او د خپل روحانيت په ذريعه به ئې عرشِ اعظم ليدلو. ډير مُسْتَجَابُ الدَّعْوَات وو يعني دُعاګانې به ئې قبليدلې ، د هغه د شاګردانو شمير هم ډير زيات وو. مشهور دا دي چې د هغه په درس ګاه [يعني مدرسه] کښې د طالبِ علمانو د دواتونو شمير دولس زره وو.  چې كله حضرت سَيِّدُنا موسٰى عَلَيْهِ السَّلام د “ قوم جبّارين “ سره جهاد كولو د پاره د بنـي اسرائيلو لښكر ځان سره كړو او روان شولو نو بَلْعَمْ بِن باعُورَاء له د هغه قوم په ډيره ويره راغے او عرض ئې اوكړو چې حضرت سَيِّدُنا موسٰى عَلَيْهِ السَّلام ډير غټ او طاقتور لښكر را روان كړے دے او په مونږه حمله كولو والا دے ، هغوئي غواړي چې زمونږ خلق زمونږ د زمكو نه اوباسي او دا زمكې بني اسرائيلو ته وركړي. نو ځکه (مَعَاذَ  الـلّٰـہ) تاسو د موسٰى عَلَيْهِ