نواسۂ رسول کامختصر تعارف

               * حضرتامامِ حسین رَضِیَ اللّٰہُ عَنْہُ  کی پیدائش 5 شعبان 4 ہجری کومدینے شریف میں ہوئی۔ *  آپ کا نام نبیِّ کریم صَلَّی اللہُ عَلَیْہِ وَاٰلِہٖ وَسَلَّمنے “ حُسین “ اور “ شبیر “ رکھا۔ * آپ کی کُنْیت  “ ابو عبدُاللہ  “ اور لَقب ’’ سِبۡطُ رَسُوۡلِ اللہِ (یعنی نبیِّ پاک صَلَّی اللہُ عَلَیْہِ وَاٰلِہٖ وَسَلَّمکے نَواسے) ‘‘ اور’’رَیْحَانَۃُ الرَّسُوْل‘‘(یعنی رسول ِ کریم صَلَّی اللہُ عَلَیْہِ وَاٰلِہٖ وَسَلَّم کے پھول)ہے۔ * آپ جنتی نوجوانوں کے سردار ہیں۔ (سیر اعلام النبلاء ،  الحسین الشہید...الخ ، ۴ / ۴۰۲۔ ۴۰۴ ملتقطا ) *  نبیِّ اکرم صَلَّی اللّٰہُ عَلَیْہِ واٰلِہٖ وَسَلَّمَ نے آپ رَضِیَ اللہُ عَنْہُ کے کان میں اذان دی۔ ( کنز العمال ، حصہ :  ۱۶ ،  ۸ /  ۲۵۲ ،  حدیث : ۴۵۹۹۳) * آپ نہایت سخی اورنیک خصلت تھے ۔ * آپ نےکئی حج پیدل کئے۔ حضرت مُصْعب رَضِیَ اللّٰہُ عَنْہُ فرماتےہیں : حضرت امامِ حسین رَضِیَ اللہُ عَنْہُ نےمدینے شریف سے پیدل چل کر(25) حج کئے۔ (اسد الغابۃ ،  رقم  :  ۱۱۷۳ ، الحسین بن علی ،  ۲ / ۲۸ ماخوذا) * آپ نے رسولِ انور صَلَّی اللّٰہُ عَلَیْہِ وَاٰلِہٖ وَسَلَّم اور اپنے والدِ ماجد اَمیرُالمؤمنین حضرت علی ، شیرِ خدا رَضِیَ اللہُ عَنْہ سےعلمِ دین کا بہت سا خزانہ پایا۔ * آپ کی علم سےبھر پور گُفتگو (Discourse)ایسی دلکش ہوتی تھی کہ لوگوں کی یہ خواہش ہوتی کہ آپ خاموش نہ بیٹھیں بلکہ عِلم و حِکمت کے خزانے لُٹاتےہی رہیں۔ *  آپ نے اپنے نانا جان صَلَّی اللہُ عَلَیْہِ وَاٰلِہٖ وَسَلَّم ، اپنے والدِ محترم ، والدۂِ مُحترمہ اور اَمیرُالمؤمنین حضرت عمر فاروقِ اعظم عَلَیْہِمُ الرِّضْوَان سےاَحادیث سُنیں اور بیان کیں۔ * آپ کا مستقل عِلمی حلقہ لگتا جس میں آپ لوگوں کوشرعی مسائل سےآگاہ فرماتے تھے۔ * آپ کی شہادت10محرم الحرام61 ہجری کو میدانِ کربلامیں ہوئی ۔

صَلُّوْا عَلَی الْحَبیب!                                           صَلَّی اللّٰہُ عَلٰی مُحَمَّد