کرتےہیں؟حسنین کے نانا صَلَّی اللہُ عَلَیْہِ وَاٰلِہٖ وَسَلَّم نےفرمایا:میں ان سےمحبت کیوں نہ کروں،حالانکہ یہ  میرے دو(2) پھول ہیں جن کی مہک میں سونگھتا ہوں۔ (معجم  کبیر، ۴/۱۵۵، حدیث:۳۹۹۰)

صَلُّوْا عَلَی الْحَبیب!                                            صَلَّی اللّٰہُ عَلٰی مُحَمَّد

               اے عاشقانِ امام حُسین!ربِّ کریم نے حضرت امامِ حسین رَضِیَ اللّٰہُ عَنْہُ کو بہت سی خصوصیات اور شان و عظمت سے نوازا تھا، آپ رَضِیَ اللّٰہُ عَنْہُ کی عبادت و ریاضت اورتقویٰ و پرہیز گاری کے واقعات سننے سے پہلےآپ کامختصر ذکرِخیر اورتعارف(Introduction)سنتےہیں،چنانچہ

نواسۂ رسول کامختصر تعارف

               * حضرتامامِ حسین رَضِیَ اللّٰہُ عَنْہُ  کی پیدائش 5 شعبان 4 ہجری کومدینے شریف میں ہوئی۔ *  آپ کا نام نبیِّ کریم صَلَّی اللہُ عَلَیْہِ وَاٰلِہٖ وَسَلَّمنے”حُسین“اور”شبیر“رکھا۔* آپ کی کُنْیت ” ابو عبدُاللہ “اور لَقب ’’ سِبۡطُ رَسُوۡلِ اللہِ (یعنی نبیِّ پاک صَلَّی اللہُ عَلَیْہِ وَاٰلِہٖ وَسَلَّمکے نَواسے) ‘‘ اور’’رَیْحَانَۃُ الرَّسُوْل‘‘(یعنی رسول ِ کریم صَلَّی اللہُ عَلَیْہِ وَاٰلِہٖ وَسَلَّم کے پھول)ہے۔* آپ جنتی نوجوانوں کے سردار ہیں۔(سیر اعلام النبلاء،الحسین الشہید...الخ،۴/۴۰۲۔۴۰۴ ملتقطا ) *  نبیِّ اکرم صَلَّی اللّٰہُ عَلَیْہِ واٰلِہٖ وَسَلَّمَ نے آپ رَضِیَ اللہُ عَنْہُ کے کان میں اذان دی۔( کنز العمال،حصہ: ۱۶، ۸/ ۲۵۲، حدیث:۴۵۹۹۳) * آپ نہایت سخی اورنیک خصلت تھے۔* آپ نےکئی حج پیدل کئے۔حضرت مُصْعب رَضِیَ اللّٰہُ عَنْہُ فرماتےہیں:حضرت امامِ حسین رَضِیَ اللہُ عَنْہُنےمدینے شریف سے پیدل چل کر (25) حج کئے۔(اسد الغابۃ، رقم : ۱۱۷۳،   الحسین بن علی، ۲/۲۸ماخوذا)* آپ نے رسولِ انور صَلَّی اللّٰہُ عَلَیْہِ وَاٰلِہٖ وَسَلَّم اور اپنے والدِ ماجد اَمیرُالمؤمنین حضرت علی،شیرِ خدا رَضِیَ اللہُ عَنْہسےعلمِ دین کا بہت سا خزانہ پایا۔* آپ کی علم سےبھر پور گُفتگو (Discourse)ایسی دلکش ہوتی تھی کہ لوگوں کی یہ خواہش ہوتی کہ آپ خاموش نہ بیٹھیں بلکہ عِلم و