Book Name:Imam Hussain Ki Ibadat
اے عاشقانِ اہلِ بیت!مُحَرَّمُ الْحَرامکا مبارک مہینا تشریف لاچکا ہے،اس مبا رَک مہینےکوشہیدانِ کربلااوربالخصوص اِمامِ عالی مَقام حضرت اِمامِ حُسینرَضِیَ اللہُ عَنْہُ کے ساتھ ایک خاص نسبت حاصل ہے،اسی مناسبت سےآج کےبیان میں ہم امامِ حسین رَضِیَ اللہُ عَنْہُ کے تقویٰ و پرہیزگاری، صدقہ وخیرات،فضائل ومناقب،شان وعظمت،آقاکریم صَلَّی اللہُ عَلَیْہِ وَاٰلِہٖ وَسَلَّمکی آپ سےمحبت اور بالخصوص (Specially) آپ رَضِیَ اللہُ عَنْہُ کی عبادت کا ذوق و شوق،عبادت کے واقعات سُنیں گے۔
آئیے! سب سے پہلےایک ایمان افروز واقعہ سنتےہیں ،چنانچہ
حضرت علامہ عبدُالرَّحْمٰن ابنِ جوزیرَحْمَۃُ اللّٰہ عَلَیْہفرماتےہیں:ایک مرتبہ عَمْروبن لَیْث کے سامنے اس کی تمام فوج کوجمع کیا گیا ،عَمْرو بن لَیْث نے جب اپنی فوج کی یہ کثرت دیکھی تو روپڑا اور دل ہی دل میں کہنےلگا،اے کاش!حضرت امامِ حُسین رَضِیَ اللہُ عَنْہُکی شہادت کےوقت میں وہاں موجود ہوتا اور میرے پاس اتنی فوج ہوتی تو میں اپنی جان ، شان و شوکت اور ساری فوج کو ان پرقربان کردیتا۔اس زمانے کے کسی ولی کوخواب میں حضورِاکرم صَلَّی اللہُ عَلَیْہِ وَاٰلِہٖ وَسَلَّم کی زیارت ہوئی،تو آپ صَلَّی اللہُ عَلَیْہِ وَاٰلِہٖ وَسَلَّم نےفرمایا: عَمْرو بن لَیْث سےکہہ دو کہ اس کےدل میں جوخیال آیا ہےہمیں اس کی خبر ہے اورہم نے اس کےارادےکوقبول کرلیاہے،اللہ کریم تمہیں اس ارادےاوراس خیال پراجرِعظیم عطا فرمائے۔ جب خواب دیکھنےوالےنےعَمرو بن لَیْث کویہ خوش خبری سنائی تو وہ خوشی سےجھوم اُٹھااور اس کی آنکھوں سےآنسوؤں کی جھڑی لگ گئی۔(بستان الواعظین،مجلس في فضل يوم عاشوراء وما جاء فيه، ص۲۴۰ ملتقطا)