لگیں یا ایک کے بعد ایک بیماری آپڑے تو ان کے ذہنوں میں عجیب  وغریب منفی خیالات اور وسوسے گردش کرنے لگتے ہیں ، مثلاً “ میں نے تو کبھی کسی کا بُرا نہیں چاہا “ ۔ “ کسی کا حق نہیں کھایا یا دبایا “ ۔ “ کسی کو تکلیف نہیں پہنچائی “ ۔ “ کسی کا دل نہیں توڑا “ ۔ “ کسی کا کچھ نہیں بگاڑا مگر پھربھی نہ جانےمیں کیوں بیماریوں میں  جکڑا رہتا ہوں “ وغیرہ۔ !ایسوں کیلئے عرض ہے کہ “ دوسروں کا بُرا چاہنا یا کچھ بگاڑنا “ ہی بیماریوں کے آنے کا باعث نہیں ہوتا ، بسا اوقات یہی بیماریاں انسان کو نیک لوگوں کے مرتبے تک پہنچانے کا ذریعہ بن جاتی ہیں ، چنانچہ

بیماری میں مبتلاکئے جانے کی حکمت

حضرت وَہْب بن مُنَبِّہرَحْمَۃُ اللہِ عَلَیْہسےروایت ہے : دو عبادت گزار پچاس(50) سال تک اللہ پاک کی عبادت کرتے رہے ، پچا سویں سال کے آخر میں ان میں سے ایک کے جسم(Body) میں ایک خطرناک بیماری لگ گئی ، اس نےرونا شروع  کیا اوراللہ پاک کی بارگاہ میں اس طرح التجاکرنے لگا : اے میرے پاک ربِّ کریم!میں نےاتنے سال مسلسل تیرا حکم مانا ، تیری عبادت کرتا رہا  پھر بھی مجھے اتنی خطرنا ک بیماری میں مبتلا کردیا ، اس میں کیا حکمت ہے؟میں توآزمائش میں ڈال دیا گیا ہوں ، اللہ پاک نے فرشتوں کو حکم فرمایا ، اس سے کہو “ تُو نے جو عبادت کی وہ ہماری ہی عطا کردہ تو فیق ہے ، وہ میرے احسان اور میری مدد کا نتیجہ ہے۔ باقی رہی بیماری تو میں نے تجھے اس میں اس لئے مبتلا کیا تاکہ تجھے اچھے اور نیک لوگوں کے مرتبہ پر فائز کردوں۔ تجھ سے پہلے کے لوگ تو بیماری ومصیبتوں کے خواہش مندہوا کرتے تھے اور تجھے تو میں نے بِن مانگے عطا کردی۔ (عیون الحکایات ، ۲ / ۱۹۶)

               پیارے پیارے اسلامی بھائیو!بیان کردہ حکایت سے معلوم ہوا * اللہ پاک کے