Book Name:Jald Bazi Kay Nuqsanat
آپ کے دل میں دُنیوی مال ودولت جمع کرنے کی لالچ بالکل نہ تھی۔ آپ مساجد سے مَحَبَّت اور خوب خدمت کیا کرتے۔ 1979ہجری میں جب امیرِاَہلسنّت’’کولمبو(سری لنکا)‘‘تشریف لے گئے تو وہاں کے لوگوں کوآپ کے والد صاحب سے بَہُت متأثر پایاکیونکہ اُنہوں نے وہاں کی عالیشان حَنَفی میمن مسجد کے انتظامات سنبھالے تھے اور اس مسجد کی کافی خدمت بھی کی تھی۔ آپ سلسلۂ عالیہ قادِریہ میں بیعت تھے اور قصیدۂ غوثیہ کا وِردفرماتے تھے۔ کولمبو میں قیام کے دوران امیرِ اَہلسنّت کے خالو نے دورانِ گفتگو بتایا کہ میں نے خود اپنی آنکھوں سے دیکھا ہےکہ جب کبھی چار پائی پر بیٹھ کر آپ کے والد صاحب قصیدۂ غوثیہ پڑھتے تو ان کی چار پائی زمین سے بلند ہو جاتی تھی۔
امیرِ اَہلسنّت عالَمِ شِیْر خوارگی(یعنی دُودھ پینے کی عمر)میں ہی تھے کہ آپ کے والد ِ محترم ۱۳۷۰ہجری میں سفرِ حج پر روانہ ہوئے ۔ ایامِ حج میں منٰی میں سخت لُو چلنے کی وجہ سےکئی حجاجِ کرام فوت ہوگئے تھے ، ابُو عطار حاجی عبدالرَّحمٰن رَحْمَۃُ اللّٰہ ِ عَلَیْہ بھی مختصر علالت (بیمار رہنے)کے بعد 14ذُوالْحِجَّۃ الحرام۱۳۷۰ ہجری کواس دنیا سے رخصت ہوگئے۔
(تعارفِ امیر اہلسنت ، ص۱۱)
اللہ کریم کی ان پر رحمت ہو اوران کے صدقے ہماری بے حساب مغفرت ہو۔
اٰمِیْن بِجَاہِ النَّبِیِ الْاَمِیْن صَلَّی اللّٰہُ عَلَیْہِ واٰلِہٖ وَسَلَّمَ
صَلُّوْا عَلَی الْحَبِیْب! صَلَّی اللّٰہُ عَلٰی مُحَمّد
پیارے پیارے اسلامی بھائیو!آئیے!عید کی مناسبت سے امیرِ اہل سنت دَامَتْ