Share this link via
حج کے مہینے کے اِبتدائی عظیم 10 دن
پارہ30سُوْرَۃُ الفَجْر کی آیت نمبر1 اور2 میں اِرشادِ باری ہے :
وَ الْفَجْرِۙ(۱) وَ لَیَالٍ عَشْرٍۙ(۲) (پ۳۰ ، الفجر : ۱ ، ۲)
ترجَمۂ کنز العرفان : صبح کی قسم۔ اور دس راتوں کی۔
حضرت عبدُاللّٰہ بن عباس رَضِیَ اللّٰہُ عَنْہُمَا بیان فرماتے ہیں : اِن دس(10) راتوں سے مُراد ذُوالْحِجَّہ کی پہلی 10 راتیں ہیں کیونکہ یہ زمانہ حج کے اَعمال میں مشغول ہونے کا زمانہ ہے۔ (خازن ، الفجر ، تحت الآیۃ : ۱ ، ۴ / ۴۰۱)
اَلْحَمْدُلِلّٰہ اَحادیثِ مبارَکہ میں بھی مختلف مقامات پر اِن دس(10) دنوں اور راتوں کے فضائل بیان ہوئے ہیں۔ آئیے!ترغیب کے لئے5فرامینِ مصطفےسنتی ہیں ، چنانچہ
ذُو الْحِجَّۃ کےپہلے 10دنوں کے فضائل
(1)اِرشاد فرمایا : اللہ کریم کے نزدیک کوئی بھی دن عشرۂ ذُوالْحِجَّہ سے زیادہ نہ عظیم ہے اور نہ اِن دنوں سے بڑھ کر کسی دن کا نیک عمل اُسے محبوب ہے ، لہٰذا اِن دنوں میں تہلیل(یعنی لَاۤاِلٰہَ اِلَّا اللہُ) ، تکبیر(یعنی اَللہُ اَکْبَر)اورتحمید(یعنی اَلْحَمْدُلِلہِ) کی کثرت کرو۔ (مسنداحمد ، مسندعبداللہ بن عمر ، ۲ / ۳۶۵ ، حدیث : ۵۴۴۷)
(2)اِرشاد فرمایا : اللہ پاک کے نزدیک عشرۂ ذُوالْحِجَّهکے دنوں سے افضل کوئی دن نہیں۔
(ابن حبان ، کتاب الحج ، باب الوقوف بعرفة...الخ ، ذکررجاء العتق من النار...الخ ، ۶ / ۶۲ ، حدیث : ۳۸۴۲)
(3)اِرشاد فرمایا : جن دنوں میں اللّٰہ پاک کی عبادت کی جاتی ہے ، اُن میں سے کوئی دن ذُوالْحِجَّه کے دس(10) دنوں سے زیادہ پسندیدہ نہیں ، اِن میں سے(دس(10) ذُوالْحِجَّه کے علاوہ) ہر دن کا روزہ ایک سال
