گھر میں آنے جانےکی سنتیں اور آداب

      پىارے پىارے اسلامى بھائىو! آئیے!شیخِ طریقت ، امیرِاہلسنَّتدَامَتْ بَـرَکاتُہُمُ الْعَالِیَہ کے رسالے ’’101 مدنی پُھول‘‘سے “ گھر میں آنے جانے کی سنتیں و آداب “ سنتے ہیں : ٭جب گھرسے باہَرنکلیں تو یہ دُعا پڑھئے : بِسْمِ اللہِ تَوَ کَّلْتُ عَلَی اللہِ لَاحَوْلَ وَلَا  قُوَّۃَ   اِلَّا  بِاللہِ   ترجمہ : اللہپاک کے نام سے ، میں نے اللہکریم پربھروسا کیا ، اللہپاک کےبغیرنہ طاقت ہے نہ قوت۔ (ابو داود ، ۴ / ۴۲۰ ،  حدیث : ۵۰۹۵)اِنْ شَآءَ اللہ! اس دعاکوپڑھنے کی بَرکت سے سیدھی راہ پر رہیں  گے ، آفتوں سے حفاظت ہو گی اور اللہکریم کی مددشاملِ حال رہے گی ، ٭گھرمیں داخل ہونے کی دعا : اَللّٰھُمَّ  اِنِّیۤ  اَسْأَ لُکَ خَیْرَ الْمَوْلَجِ وَ خَیْرَ الْمَخْرَجِ بِسْمِ اللہِ وَلَجْنَا وَ بِسْمِ اللہِ خَرَجْنَا وَ عَلَی اللہِ رَبِّنَا تَوَ کَّلْنَا ترجمہ : اے اللہ پاک! میں تجھ سے داخل ہونےکی اور نکلنے کی بھلائی مانگتاہوں ، اللہ پاک کے نام سے ہم(گھر میں) داخل ہوئے اوراسی کے نام سے باہرآئےاوراپنے ربِّ کریم پر ہم نے بھروسا کیا۔ (ابوداود ، ۴ / ۴۲۰ ،  حدیث :  ۵۰۹۶)دعاپڑھنےکے بعد گھروالوں کو سلام کرےپھر بارگاہِ رسالت میں سلام عرض کرےاس کے بعدسورۃُ الاِخلاص شریف پڑھے۔ اِنْ شَآ ءَاللہ!روزی میں بَرکت اور گھریلو جھگڑوں سے بچت ہو گی ، ٭اگر ایسے مکان(خواہ اپنے خالی گھر)میں جانا ہو کہ اس میں کوئی نہ ہو تو یہ کہئے : اَلسَّلَامُ عَلَیْنَا وَعَلٰی عِبَادِ اللہِ الصّٰلِحِیْن ترجمہ : “ ہم پر اوراللہ کریم کے نیک بندوں پر سلام “ تو فِرِشتےاس سلام کاجواب دیں گے۔ (رَدُّالْمُحتار ، ۹ /  ۶۸۲)یااس طرح کہے : اَلسَّلَامُ عَلَیْکَ اَیُّھَا النَّبِیُّ (یعنی یا نبی آپ پر سلام )کیونکہ حضورِ اکرمصَلَّی اللّٰہُ عَلَیْہِ واٰلہٖ وَسَلَّمَکی رُوحِ مبارَک مسلمانوں کے گھروں میں تشریف فرماہوتی ہے۔ (بہارِشريعت ، حصّہ۶ا ص۹۶ ، شرح الشّفاء للقاری ، ۲ / ۱۱۸)٭جب کسی کےگھرمیں داخل ہوناچاہیں تو اِس طرح کہئے : السلامُ علیکمکیامیں اندرآ سکتا ہوں؟٭اگر داخلےکی اجازت نہ ملے تو بخوشی لوٹ جائیے ہوسکتا ہے کسی مجبوری کے تحت صاحبِ خانہ نےاجازت نہ دی ہو ، ٭جب آپ کے گھر پر کوئی دستک دے تو سُنّت یہ ہےکہ پوچھئے : کون ہے؟باہر والےکو چاہئےکہ اپنا نام بتائے : مثلا کہے : محمدالیاس۔ نام بتانے کےبجائےاس موقع پرمدینہ!میں ہوں!دروازہ کھولووغیرہ کہناسنّت نہیں ، ٭جواب میں نام بتانے کے بعددروازےسےہٹ کر کھڑے  ہوں تاکہ دروازہ کھلتےہی گھرکےاندر نظرنہ پڑے۔

طرح طرح کی ہزاروں سُنّتیں سیکھنے کے لئے مکتبۃُ المدینہ کی دو کُتُب ، بہارِ شریعت حصّہ 16(312صفحات)اور 120 صَفَحات کی کتاب “ سُنّتیں اور آداب “ اور امیرِ اہلسنت دَامَتْ بَرَکاتُہُمُ الْعَالِیَہ کے دو رسالے “ 101 مدنی پھول “ اور “ 163 مدنی پھول “ ھدِيَّةً حاصِل کیجئے اور پڑھئے۔ سُنّتوں کی تربیت کا ایک بہترین ذَرِیعہ دعوتِ اسلامی کے مَدَنی قافِلوں میں عاشِقانِ رسول کے ساتھ سُنّتوں بھرا سَفَر بھی ہے۔

صَلُّو ْا عَلَی الْحَبِیْب!                                          صَلَّی اللہُ عَلٰی مُحَمَّد

آئندہ ہفتہ وار اجتماع کی جھلکیاں