سمجھتا ہے۔

       پیارے پیارے اسلامی بھائیو! اس نصیحت سے ہمیں یہ سیکھنے کو ملا کہ اپنے اندر قناعت پیدا کریں اور ہر حال میں اللہ پاک کا شکر ادا کرتے رہیں اوروہ جس حال میں رکھے ، اُس کی رِضا پر راضی رہیں۔   

عُلَما کی صحبت باعث ِعزت ہے

       امام جعفر صادق رَحْمَۃُ اللّٰہ عَلَیْہ نے دوسری نصیحت یہ کی کہ : اے میرے بیٹے! دوسرے کے عیبوں سے پردہ ہٹانے والے کے اپنے عیوب ظاہر ہوجاتے ہیں۔ بغاوت کی تلوار بلند کرنے والا اسی سے قتل کر دیا جاتا ہے۔ کسی کے لئے گڑھا کھودنے والا خود ہی  اس میں جاگِرتا ہے۔ بےوقوفوں کی صحبت میں بیٹھنے والا حقیر وذلیل ہوتاجبکہ عُلَما کی صحبت اختیار کرنے والا عزت پاتاہے اور بُرائی کےمقام پرجانے والے پر تہمت لگائی جاتی ہے۔

       پیارے اسلامی بھائیو!اس نصیحت سے ہمیں یہ مدنی پھول ملاکہ ہم دوسروں کے عیب نہ کھولیں ، ہمیشہ دوسروں کی خیرخواہی کریں اورعلمائے کرام کی صحبتوں میں بیٹھنے کی کوشش کیا کریں۔

       تیسری نصیحت کرتے ہوئے آپ رَحْمَۃُ اللّٰہ عَلَیْہ نے ارشاد فرمایا :

     اے میرے بیٹے!لوگوں پر عیب لگانے سے بچنا ورنہ لوگ تم پر عیب لگائیں گے اور فضول باتوں سے بچنا ورنہ ان  کی وجہ سےعزّت میں کمی ہوگی۔

       پیارے پیارے اسلامی بھائیو! اس نصیحت سے ہمیں یہ مدنی پھول ملا کہ دوسروں کی خامیوں پر نظر رکھنے کے بجائے اپنی خامیوں کو تلاش کریں ، اپنی اصلاح کریں اور ہمیشہ فضول اور لایعنی گفتگو سے بچیں۔

   امام جعفر صادق رَحْمَۃُ اللّٰہ عَلَیْہ نے چوتھی نصیحت یہ کی کہ :

      اے بیٹا!حق بات ہی کہنا خواہ تمہارے حق میں ہویا خلاف کیونکہ مذمَّت کاسامناتمہیں اپنے دوستوں کی طرف سے ہی کرنا پڑے گا۔

       پیارے پیارے اسلامی بھائیو!اس نصیحت سے ہمیں یہ مدنی پھول ملاکہ سانچ کو آنچ نہیں لہٰذاہمیں ہر حال میں شریعت کے تقاضوں کے مطابق سچ بولنا چاہیے۔

بغض ونفرت  کا سبب

   چوتھی نصیحت کے بعد پانچویں نصیحت کرتے ہوئے فرمایا :

          اے میرے بیٹے!قرآنِ پاک  کی تلاوت کرتے رہنا ، سلام کو عام کرنا ، نیکی کا حکم دینا اور بُرائی سے منع کرنا ، جو تجھ سے تعلق توڑے تُو اس سے رشتہ جوڑنا ، جو تم سے بات نہ کرے۔ تم اس سے بات کرنے میں پہل کرنا ، جو تم سے مانگے اسے عطا کرنا ، چغلخوری سے بچنا کہ یہ دلوں میں بغض پیدا کرتی ہے۔ لوگوں کے عیوب کے درپے نہ ہونا کہ یہ چیز خود کو(مذمت وتہمت کا)ہدف