ڪهڙا گناھ ٿيندا هوندا، ڇا اسان هن ڳالھ کي پسند ڪيون ٿا ته اسان جي ڪنهن غلطي کي، اسان جي ڪنهن عيب کي، اسان جي ڪنهن بُرائي يا گناھ کي عام ڪيو وڃي، جڏهن اسان پنهنجي باري ۾ هن ڳالھ کي پسند نٿا ڪيون ته ٻين مسلمانن جي باري ۾ به اهو ئي ذهن هئڻ گھرجي۔ اسان کي هر مسلمان جي عزت جو تحفظ ڪرڻ گھرجي، بِلاعذرِ شرعي ڪنهن جي ڪمزوري يا غلطي جو چرچو ڪرڻ ڪو ثواب جو ڪم ناهي بلڪ ان سان آخرت خراب ٿئي سگھي ٿي۔ اهو فرمانِ مصطفيٰ اسان کي هر وقت پيشِ نظر رکڻ گھرجي ته آقا ڪريم، رسولِ عظيم صَلَّى اللّٰهُ عَلَيۡهِ واٰلِهٖ وَسَلَّمَ جن ارشاد فرمايا: جنهن پنهنجي ڀاءُ کي اهڙي گناھ تي عار ڏياري جنهن کان اهو توبه ڪري چڪو آهي، ته مرڻ کان پهريان هو پاڻ ان گناھ ۾ مبتَلا ٿي ويندو۔

(ترمذي ،ڪتاب صفۃ القيامۃ، باب ۱۱۸، ۴/ ۲۲۶ ،حديث: ۲۵۱۳)

صَلُّوْا عَلَي الْحَبِيب!                                                                                          صَلَّي اللّٰه عَلٰي مُحَمَّد

          ٻين جي گناهن ۽ غلطين تي انهن کي شرمندو ڪرڻ وارن جي لاءِ هن حديثِ پاڪ ۾ عبرت ئي عبرت آهي۔ هڪ ڳالھ اها به ياد رکو ته گناهن ۽ غلطين جو ٻين تي اظهار ڪرڻ ٺيڪ ناهي، پر جيڪڏهن ڪو هن ۾ مبتلا ٿي وڃي ته ان سان تعلق ختم ڪرڻ، ڳالھ ٻولھ بند ڪرڻ اهو به مناسب ناهي۔ بلڪ اهڙي موقعي تي درگذر ڪرڻ بهترين طريقو آهي۔ اسان جي آقا، مديني واري مصطفيٰ صَلَّى اللّٰهُ عَلَيۡهِ واٰلِهٖ وَسَلَّمَ اسان کي ترغيب ڏياريندي فرمائن ٿا: جنهن کي هي پسند هجي ته ان جي لاءِ (جنت ۾) محل بڻايو وڃي ۽ ان جا درجات بلند ڪيا وڃن، ان کي گهرجي ته جيڪو ان تي ظلم ڪري هي ان کي معاف ڪري ۽ جيڪو ان کي محروم ڪري هي ان کي عطا ڪري، ۽ جيڪو ان سان قطع تعلق ڪري هي ان سان تعلق جوڙي. (مستدرڪ، ڪتاب التفسير، شرح آيۃ: ڪنتم خير امّۃ۔۔۔ الخ، ۳/۱۲، حديث: ۳۲۱۵)

  الله پاڪ اسان کي ٻين جي عزّتن جي حفاظت ڪرڻ جي توفيق عطا فرمائي۔

اٰمِيۡن   بِجَاهِ   النَّبِيِّ  الۡاَمِيۡن   صَلَّى  اللّٰهُ  عَلَيۡهِ وَاٰلِهٖ وَسَلَّم

صَلُّوْا عَلَي الْحَبِيب!                                                                                        صَلَّي اللّٰه عَلٰي مُحَمَّد

      پيارا پيارا اسلامي ڀائرو! اسان حضرت خواجه غريب نواز رَحْمَةُ اللهِ عَلَيۡه جي باري ۾ ٻڌي رهيا هئاسين۔

خواجه غريب نواز جو مختصر تعارف

      اچو! خواجه غريب نواز رَحْمَةُ اللهِ عَلَيۡه جو مختصر تعارف به ٻڌون ٿا: خواجه غريب نواز رَحْمَةُ اللهِ عَلَيۡه جو اسم گرامي ”حَسَن“ آهي۔ خواجه غريب نواز رَحْمَةُ اللهِ عَلَيۡهنَجِيبُ الطَّرَفَين (يعني ماءُ پيءُ جي طرفان) حَسَني ۽ حُسيني سَيد آهن۔ خواجه غريب نواز رَحْمَةُ اللهِ عَلَيۡه جا مشهور ۽ معروف لقب مُعِينُ الدّين، خواجه غريب نواز، سُلطانُ الھِند ۽ عطاءِ رسول آهن۔ خواجه غريب نواز رَحْمَةُ اللهِ عَلَيۡه 537ھ ۾ سِجِستان يا سيستان (موجوده ايران) جي علائقي ”سَنْجَر“ ۾ پيدا ٿيا۔ (معين الهند حضرت خواجه معين الدين اجميري ،ص۱۸ملخصاً۔اقتباس الانوار،ص۳۴۵) خواجه غريب نواز رَحْمَةُ اللهِ عَلَيۡه عِلم حاصل ڪرڻ جي لاءِ شام، بغداد ۽ ڪرمان سميت ڪيئي ملڪن ۽ شهرن جا سفر ڪيا۔ خواجه غريب نواز رَحْمَةُ اللهِ عَلَيۡه ڪيئي بُزرگانِ دين وٽان فيض حاصل ڪيو۔ جن ۾ سندن پير و مُرشِد حضرت خواجه عثمان هروَني ۽ پيرانِ پير حُضُورغوثِ پاڪ حضرت شيخ سيد عبدالقادِر جيلانيرَحْمَةُ اللهِ عَلَيۡهما به شامل آهن۔ خواجه غريب نواز رَحْمَةُ اللهِ عَلَيۡه کي زيارتِ حَرَمَين جي دوران بارگاھ رِسالت صَلَّى اللّٰهُ عَلَيۡهِ واٰلِهٖ وَسَلَّمَ مان هند جي وِلايت عطا ٿي۔