وَلِيُ الله نٿو ٿي سگھي۔ اسان جي معاشري ۾ ڪيئي اهڙا نالي جا پير به موجود آهن، جيڪي عورتن جو هٿ پنهنجي هٿ تي رکي بيعت ڪرائيندا آهن ۽ پنهنجو مريد ڪندا آهن ۽ ماڻهو انهن کي الله جو ولي سمجھي رهيا هوندا آهن، جڏهن ته اها ولايت ناهي، بلڪ جهالت آهي، اچو عورتن سان بيعت وٺڻ جي ڪيفيت ۽ ان جو شرعي حڪم ٻڌون ٿا:

عورتن کان بيعت جي ڪيفيت

          تفسير صراطُ الجنان ۾ آهي ته عورتن کان ورتي ويندڙ بيعت ۾ تاجدارِ رسالت صَلَّى اللّٰهُ عَلَيۡهِ واٰلِهٖ وَسَلَّمَ انهن سان مصافحو نه فرمايو ۽ عورتن کي پنهنجو دستِ مبارڪ ڇهڻ نه ڏنو۔ حضرت عائشه رَضِي اللّٰه عَنْها فرمائن ٿيون: الله جو قسم! بيعت ڪرڻ وقت پاڻ سڳورن صَلَّى اللّٰهُ عَلَيۡهِ واٰلِهٖ وَسَلَّمَ جو هٿ ڪنهن عورت جي هٿ کي نه لڳو، پاڻ صَلَّى اللّٰهُ عَلَيۡهِ واٰلِهٖ وَسَلَّمَ انهن کي صرف پنهنجي ڪلام سان بيعت ڪندا هئا. (صحيح بخاري، ڪتاب التفسير، سورۃ الممتحنۃ، باب اذا جاء ڪم المؤمنات مهاجرات، ۳/۳۵۰، الحديث: ۴۸۹۱) بيعت جي ڪيفيت ۾ اهو به بيان ڪيو ويو آهي ته پاڻي جي هڪ وڏي ٿانوء ۾ سيدالمرسَلين صَلَّى اللّٰهُ عَلَيۡهِ واٰلِهٖ وَسَلَّمَ پنهنجو دستِ مبارڪ وڌو، پوءِ انهيء ۾ عورتن پنهنجا هٿ وڌا ۽ اهو به چيو ويو آهي بيعت ڪپڙي جي واسطي سان ورتي وئي هئي ۽ اها ڳالھ به ٿي سگھي ٿي ته ٻئي صورتون عمل ۾ آيون هجن۔ (تفسير صراط الجنان ،پ۲۸،الممتحنۃ:۱۲،۱۰/۱۱۹)

عورتن سان بيعت وٺڻ جو شرعي حڪم

          صدرُالشَّريعه، بدرُ الطَّريقه حضرتِ علّامه مولانا مفتي محمد امجد علي اعظمي رَحْمَةُ اللهِ عَلَيۡه اجنبي عورتن کي ڏسڻ ۽ هٿ ملائڻ جي باري ۾ احڪام ذڪر ڪندي نقل فرمائن ٿا ته: اَجنبيه عورت جي چهري ۽ تري کي ڏسڻ توڙي جو جائز آهي پر ڇُهڻ جائز ناهي، توڙي جو شهوت جو انديشو نه هجي ڇوته نظر جي جواز جو سبب ضرورت ۽ فسادِ عام آهي ڇُهڻ جي ضرورت ناهي، لهٰذا ڇُهڻ حَرام آهي۔ هن مان معلوم ٿيو ته انهن سان مُصَافَحو جائز ناهي، ان ڪري حُضُورِاقدس صَلَّى اللّٰهُ عَلَيۡهِ واٰلِهٖ وَسَلَّمَ بيعت وٺڻ مهل به عورتن سان مُصَافَحو نه ڪندا هئا صرف زبان سان بيعت وٺندا هئا۔ (بهارِشريعت، حصه: ۱۶، ۳/۴۴۶)اي ڪاش! ته اسان به شريعت جي مطابق سمورا ڪم ڪرڻ وارا بڻجي وڃون۔

اٰمِيۡن   بِجَاهِ   النَّبِيِّ  الۡاَمِيۡن   صَلَّى  اللّٰهُ  عَلَيۡهِ وَاٰلِهٖ وَسَلَّم 

صَلُّوْا عَلَي الْحَبِيب!                                                                                        صَلَّي اللّٰه عَلٰي مُحَمَّد

          پيارا پيارا اسلامي ڀائرو! علمِ دِين سکڻ ۽ دِيني تعليمات تي عمل جي لاءِ عاشقانِ رسول جي مدني تحريڪ دعوتِ اسلامي جي مدني ماحول سان هردم وابسته رهو۔ مدني قافلن جا مسافر بڻجو، مدني انعامات تي عمل ڪريو۔ هفتيوار اجتماع ۽ مدني مذاڪري ۾ شروع کان آخر تائين شرڪت جي ڀرپور ڪوشش ڪريو۔ الله پاڪ چاهيو ته علمِ دِين حاصل ٿيڻ سان گڏوگڏ عمل ۾ به اضافو ٿيندو۔ اِنْ شَــآءَالـلّٰـه

          اَلْحَمْدُ لِلّٰه! اسان جي خوش قسمتي جو 27 رَجبُ الْمُرَجَّب جي ڀلاري رات شبِ معراج جي آمد آمد آهي۔ دعوتِ اسلامي جي تحت ٿيڻ واري اجتماعِ معراج ۾ به شرڪت جي نيت ڪريو ٻين کي به ان جي ترغيب ڏياريو۔ پنهنجي دعوتِ اسلامي جي لاءِ خوب خوب چندو به گڏ ڪريو ۽ ٻين کي به ان جو ذهن ڏيو۔ الله ڪري ته اسان دِين ۽ آخرت جي بهتري جا ڪم ڪندي ڪندي رمضان جي مهيني کي ماڻڻ ۾ ڪامياب ٿي وڃون۔ اچو! گڏجي دُعا به گھرون ٿا: اَللّٰهمَّ بَارِک لَنَا فِي رَجَبٍ وَّ شَعْبَانَ وَ بَلِّغْنَا رَمَضَان: اي