ٻڌي، حضرت سيدنا امام عبدالوهاب شعراني رَحْمَةُ اللهِ عَلَيۡه فرمائن ٿا: مُريد کي گھرجي ته پنهنجي مُرشِد جي گفتگو کان عِلاوه ٻين تمام ماڻهن جي گفتگو ٻڌڻ کان پنهنجا ڪن بند ڪري ڇڏي ۽ مريد ڪنهن به مَلامَت ڪرڻ واري جي مَلامَت کي نه ٻڌي ايستائين جو جيڪڏهن تمام شهر وارا ماڻهو ڪنهن ميدان ۾ گڏ ٿي ان کي پنهنجي مُرشِد کان نفرت ڏيارين (۽ هٽائڻ چاهين) ته اهي ماڻهو ان ڳالھ تي قادر ٿي نه سگھن۔ (انوار ِقدسيه،جزء ثاني، ص3، ڪامل مريد،ص30) ٭ پنهنجي پير کي پنهنجي حق ۾ زماني جي تمام ولين کان بهتر سمجھي۔ ٭ يڪ دَر گير مُحڪم گير (يعني هڪ دروازو پڪڙ، مضبوطي سان پڪڙ) تي عمل ڪندي پنهنجي پير جو دامن مضبوطي سان پڪڙي رکي، فتاويٰ رضويه ۾ آهي: ٻئي کي جيڪڏهن آسمان تي اُڏامندو ڏسي تڏهن به پنهنجي مُرشِد جي سِوا ٻئي جي هٿ ۾ هٿ ڏيڻ کي سخت باھ سمجھي، (فتاويٰ رضويه، 24/369 ملخصاً) جيڪڏهن مُريد انهن اصولن جي مطابق زندگي گذاريندو ته هر وَقت الله پاڪ ۽ رسولِ ڪريم صَلَّى اللّٰهُ عَلَيۡهِ واٰلِهٖ وَسَلَّمَ مشائخِ ڪرام رَحِمَهُمُ الـلّٰـهُ  جي مدد زندگي ۾، نَزع ۾، قَبر ۾، حَشر ۾، مِيزان تي، صِراط تي، حوضِ ڪوثر تي هر هنڌ ان سان گڏ رهندي اِنْ شَــآءَالـلّٰـه ۔

اچو! هاڻي ڪجھ وَلي الله جي باري ۾ ٻڌون ٿا ته ولي ڪير هوندو آهي؟ ان جون نشانيون ڪهڙيون آهن؟ ڇا اسان هر هڪ کي الله جو ولي سمجھون، جيڪو بي پرده ۽ غيرمحرم عورتن کي گڏ ويهاري انهن جو هٿ پنهنجي هٿ ۾ وٺي بيعت ڪري رهيو هجي، ڇا اهو به الله جو ولي چورائيندو؟؟ اچو پهريان ولي جي تعريف ٻڌون ٿا:

ولي الله جي تعريف ۽ سڃاڻپ

پيارا پيارا اسلامي ڀائرو! ولي الله اهو آهي جيڪو فرائض سان قُربِ اِلٰهي حاصل ڪري ۽ اِطاعتِ اِلٰهي ۾ مشغول رهي ۽ ان جي دِل نورِ جلالِ اِلٰهي جي معرفت ۾ ٻڏل هجي۔ جڏهن ڏسي ته قُدرتِ اِلٰهي جا دلائل ڏسي ۽ جڏهن ٻڌي ته الله پاڪ جون آيتون ئي ٻڌي ۽ جڏهن ڳالهائي ته پنهنجي ربّ ڪريم جي ساراھ ڪندي ڳالهائي ۽ جڏهن ڪو ڪم ڪري ته اطاعتِ اِلٰهي ۾ ڪري ۽ جڏهن ڪوشش ڪري انهيء اَمر ۾ ڪوشش ڪري جيڪو قُربِ اِلٰهي جو ذريعو هجي، الله پاڪ جي ذِڪر سان نه ٿڪي ۽ دل جي آئيني سان خُدا کان سِوا غير کي نه ڏسي، اها صفت اَولياء جي آهي۔ ٻانهو جڏهن هن حال تي پهچندو آهي ته الله پاڪ ان جو ولي ۽ ناصِر ۽ مُعين و مددگار ٿيندو آهي۔

(تفسيرِخازن،پ۱۱،يونس ،تحت الآية۶۲ ،۲/۳۲۲)

پيارا اسلامي ڀائرو! ياد رکو! ولي هئڻ جي لاءِ تشهير و اِشتهار، سهڻو جُبّو ۽ دستار ۽ عقيدتمندن جي ڊگھي قطار هئڻ ضَروري ناهي جنهن سان ان جي وِلايت جي معرفت ۽ شهرت ٿئي بلڪ عام ٻانهن ۾ به ولي الله هوندا آهن، تنهنڪري اسان کي هر نيڪ ٻانهي جو ادب واحترام ڪرڻ گھرجي ڇوته خبر ناهي ڪير گودڙي جو لعل (يعني لڪيل ولي) هجي، ها ان جون ڪي نشانيون آهن:

اولياء الله جون نشانيون

        قرآن وحديث ۾ انهن اولياءِ ڪرام جون مختلف نشانيون بيان ٿيون آهن، جن مان هڪ اها به آهي ته اَولياءُ الله اهي آهن جن کي ڏسڻ سان الله پاڪ ياد اچي وڃي، اهڙي طرح اَولياءُ الله اهي آهن جيڪي ايمان و تقويٰ ٻنهي جا جامع هجن۔ يقيناً ايمان ۽ تقويٰ ٻه اهڙيون صفتون آهن جيڪي هر ولِي الله جي لاءِ شرط جي حيثيت رکن ٿيون، تنهنڪري ڪو به بي دِين يا فاسق ۽ فاجر شخص