نفل روزوں کے اس قَدَر زَبَردَسْتْ فَضائل و بَرکات سُننے کے بعد تو ہم میں سے ہر ایک کو کوشش کرنی چاہئے کہ فرض روزوں کے ساتھ ساتھ نفل روزوں کا بھی کثرت سے اِہْتمام  کیا کرے ، رَجَبُ الْمُرَجَّب کے آنے سے تو ویسے ہی روزے رکھنے کا گویا موسم شُروع ہوجاتا ہے۔ پہلے  رَجَبُ الْمُرَجَّب  کے روزے پھراس کے بعد شَعْبانُ الْمُعَظَّم کے روزے۔

آئیے!امیرِاہلسنّت دَامَتْ بَـرَکاتُہُمُ الْعَالِیَہ کانفل روزوں کی ترغیب اور فضائل پر مُشْتَمِل ایک خوبصورت مکتوب سُنتے ہیں :

مکتوبِ عطّار

بِسْمِ اللّٰہِ الرَّحْمٰنِ الرَّحِیْم طسگِ مدینہ محمد الیاس عطّار قادری کی جانب سے ، تمام اسلامی بھائیوں ، اسلامی بہنوں ، مَدَارِسُ المدینہ اور جامِعَاتُ المدینہ کے اَساتِذہ ، طَلَبَہ ، مُعلِّمات اور طالِبات کی خدمات میں کعبے شریف کے گِرد گُھومتا ہوا گُنبدِ خضرا کو چُومتا ہوا رَجَبُ الْمُرَجَّب ، شَعْبانُ الْمُعَظَّم اوررَمَضانُ الْمُبارَک کے روزہ داروں کی بَرَکتوں سے مالا مال جُھومتا ہوا سلام ،

اَلسَّلامُ عَلَیکُم وَرَحمَۃُ اللّٰہِ وَ بَرَکٰتُہٗ                                     اَلْحَمْدُ لِلّٰہِ رَبِّ العٰلَمِیْنَ عَلٰی کُلِّ حَالٍ

اَلْحَمْدُ لِلّٰہ ایک بار پھر خوشی کے دن آگئے ہیں ، ماہِ رَجَبُ الْمُرَجَّب کی آمدہوچکی ہے۔ اِس ماہِ مُبارَک میں عِبادت کا بیج بویا جاتا ہے ، شَعْبانُ الْمُعَظَّم میں گناہوں پر شرمندگی کے آنسوؤں سے پانی دیا جاتا اور ماہِ رَمَضانُ الْمُبارَک میں رحمت کی فصل کاٹی جاتی ہے۔

تین ماہ کے روزے

رَجَبُ الْمُرَجَّب کے قَدر دانو! سیکھنے اور سکھانےاوررزقِ حَلال کمانے میں رُکاوٹ نہ ہو ، ماں باپ بھی بے سبب منع نہ کریں ، کسی کا بھی حق ضائع نہ ہوتا ہو تو جلدی جلدی اور بہت جلدی مسلسل تین(3) ماہ کے یا رَمَضانُ الْمُبارَک کے مکمَّل فرض روزوں کے ساتھ ساتھ جس سے جتنے بن پڑیں اُتنے  نفل روزوں کے لیے کمر بستہ ہوجائے ، سحری اور اِفطار میں کم کھا نے کی عادت بنائے۔ کاش!ہر گھر میں اور میرےتمام مَدَارِسُ ا لمدینہ اور تمام جامِعاتُ المدینہ میں روزوں کی بہاریں آجائیں ، بس رجب شریف سے ہی روز و ں  کا آغاز فرمادیجئے۔

رجب کے ابتدائی تین روزوں کی فضیلت

رَجب شریف کے ابتدائی تین(3) روزوں کے فضائل کی بھی کیا بات ہے!

حضرت عبدُاللہ ابنِ عبّاس رَضِیَ اللّٰہُ عَنْہُما سے روایت ہے ، رسولِ کریم   صَلَّی اللّٰہُ عَلَیْہِ واٰلِہٖ وَسَلَّمَ   کا فرمانِ رَحمت نشان