2 Mubarak Hastiyan

Al Quran Books Madani Channel

Magazine Courses Media

ان ازواجِ مُطَہَّرات میں حضرت اُمِّ سلمہ رَضِیَ اللہُ عَنْہا بھی ہیں ، جن کی علمِ دین میں مَہارت کا حال یہ تھا کہ آپ کو فقہا یعنی شرعی اَحْکام و قوانین کی ماہر صحابیات میں شُمار کیا جاتا تھا۔ ^{(^[1])}

ان ازواجِ مُطَہَّرات میں حضرت زَینب بنتِ جَحْش رَضِیَ اللہُ عَنْہا بھی ہیں ، ان کے خُشُوع و خُضُوع کاحال یہ تھا کہ رَسُولُاللہ صَلَّی اللّٰہُ عَلَیْہِ واٰلِہٖ وَسَلَّمَ نے ان کے خُشُوع و خُضُوع کےمُتَعلِّق ارشادفرمایا : زَینب بنتِ جَحْش( رَضِیَ اللہُ عَنْہا ) خُشُوع اختیار کرنے والی اور رَبّ کے حضور گِڑگِڑانے والی ہے۔ ^{(^[2])} حضرت بی بی زَینب بنت جَحْش کی عادت تھی کہ جو کچھ اپنے ہاتھ سے کماتیں وہ سب فقرا ومساکین کو دے دیا کرتی تھیں اور صرف اسی لئے محنت و مشقّت کرتی تھیں کہ فقیروں اور محتاجوں کی اِمداد کریں۔ ^{(^[3])}

ان ازواجِ مُطَہَّرات میں حضرت جُوَیْرِیہ رَضِیَ اللہُ عَنْہا بھی ہیں جو بڑی عبادت گُزار اور دین دار خاتون تھیں ، نمازِ فجر پڑھ لینے کے بعد سے نمازِ چاشت تک اَوراد و وظائف میں مصروف رہتی تھیں۔ ^{(^[4])}

ان ازواجِ مُطَہَّرات میں حضرت اُمِّ حبیبہ رَضِیَ اللہُ عَنْہا بھی ہیں ، یہ بہت سی حدیثوں کی حافظہ تھیں ، بڑی عبادت گُزار اور نیکوکار خاتون تھیں۔ ^{(^[5])}

ان ازواجِ مُطَہَّرات میں حضرت صَفِیّہ رَضِیَ اللہُ عَنْہا بھی ہیں ، یہ بھی اُن بے مثال خواتین میں شامل ہیں جو عبادت ، تقویٰ و پرہیز گاری اورصدقہ کرنے کے اعتبار سے تمام عورتوں کی سردار ہیں۔ ^{(^[6])}

ان ازواجِ مُطَہَّرات میں حضرت میمونہ رَضِیَ اللہُ عَنْہا بھی ہیں ، یہ بھی بڑی پرہیزگار اور سُنّتوں پرعمل کرنے والی خاتون تھیں ، مِسواک سے مَحَبّت کا عالم یہ تھا کہ جب کسی اور کام میں مشغول نہ ہوتیں تو مِسواک کرنے لگ جاتیں۔ ^{(^[7])}

[1] سیر اعلام النبلاء ، رقم : ۲۰ ، ام سلمۃ ام المومنین ، ۲ / ۲۰۳

[2] اسد الغابہ ، رقم : ۶۹۴۸ ، زینب بنت جحش ، ۷ / ۱۴۰

[3] جنتی زیور ، ص ۴۹۳

[4] جنتی زیور ، ص۴۹۶

[5] جنتی زیور ، ص۴۹۰

[6] فیضان امہات المؤمنین ، ص۳۱۰

[7] مصنف ابن ابی شیبہ ، کتاب الطہارات ، ما ذکر فی السواک ، ۲ / ۲۱۹ ، حدیث : ۱۸۱۲

Important

Mobile Apps

Contact Us