Book Name:Iman ke Salamti
صَـلُّـوْا عَلَـی الْحَبِیْب! صَلَّی اللّٰـہُ عَلٰـی مُـحَـمَّـد
خوږو او محترمو اسلامي ورونړو! د الله پاك بيشميره احسانونه دي چه هغه مونږه د خپل محبوب صَلَّى اللهُ تَعَالٰى عَلَيْهِ وَاٰلِهٖ وَسَلَّم په اُمَّت كښے پيدا كړي يُو او د اسلام دولت ئے راكړے دے، په دے كښے هيڅ شك نشته چه دا زمونږه ډيره نيك بختي ده چه اَلْحَمْدُ لِلّٰه مونږه مسلمانان يُو خو ورسره ورسره دا هم ډيره د فكرمندئ خبره ده چه په مونږ كښے د هيڅ چا سره د دے خبرے ضمانت نشته چه د مرګه پورے به مسلمان اوسي، څنګه چه بيشميره كُفّار خوش قِسمتئ سره مسلمانان شي نو دغسے د ډيرو بدنصيبو مسلمانانو مَعَاذَ الله د اسلام نه مُرتَد كيدل هم ثابت دي، چنانچه
يو اوږد حديثِ پاك كښے زمونږ خوږ حبيب صَلَّى اللهُ تَعَالٰى عَلَيْهِ وَاٰلِهٖ وَسَلَّم دا هم ارشاد فرمائيلي دي چه: اولادِ آدم په مختلفو طبقو كښے پيدا كړے شوي دي په دے كښے (1) بعضے مومِن پيدا شوي دي او په حالتِ ايمان ژوندي وي او مومِنان به مري، (2) بعضے كافِر پيدا شوي دي او په حالتِ كفر به ژوندي وي او كافِر به مري، (3) بعضے مومِن پيدا شوي دي او په حالتِ ايمان به ژوندي وي او په حالتِ كفر به مري، (4) بعضے كافِر