تيرولو او باطني بيمارو نه د بچ كيدلو ذِهن جوړيږي او ورسره ورسره د بدني بيمارو نه هم د الله پاك په رحمت شِفا حاصليږي. راځئ چه په دے باره كښے يو مدني سپرلے واورو، چنانچه

19 كاله زوړ مرض كښے ئې كمے څنګه راغے؟

     د كراچئ د علاقے ناظم آباد اوسيدونكے يو سپين ګِيرے اسلامي ورور د مدني قافلے نه حاصل شوي بركتونو څه داسے بيانوي چه زه د 19 كالو نه د دَمے [يعني ساه لنډي] په مرض كښے اخته ووم. بعضے وخت به راته د مرض د تكليف په وجه ډير تكليف وو. كله به مے نيمه شپه طبيعت خراب شو نو نيمه شپه به ډاكټر له تلم. الغرض زه ډير پريشانه ووم. علاج كولو سره به مے وقتي طور آرام راغے خو مستقل سكون را ته نه كيدو. هر وخت به په دے فِكر او پريشانئ كښے ووم چه د دے مرض نه به څنګه جوړ شم؟ زما خوش قِسمتي وه چه يو ځل راته د دعوتِ اسلامي د عاشقانِ رسول سره د درے ورځو مدني قافله كښے د سفر سعادت نصيب شو. د مدني قافِلے په بركت زما شپے او ورځے د الله پاك په عبادت كښے تيريدلے او د علمِ دين حاصلولو موقع هم را ته ملاو شوه. هُم دغسے ما ته نور بركات هم نصيب شو. اَلْـحَـمْدُ لِـلّٰـه په هغه درے ورځو كښے ما ته نه د ستنے وهلو حاجت پيښ شو او نه ډاكټر له د تللو ضرورت پيښ شو بلكه په مدني  قافله كښے راته داسے اطمينان او سكون مِلاو شو چه مخكښے راته كله هم نه وو مِلاو شوے. اَلْحَمْدُ لِلّٰه د مدني قافِلے په بركت زما د 19 كالو په زوړ مرض كښے ښكاره كمے راغے.