د اِيمان سلامتيا

نه ايمان سلامت وړلو د پاره د ډيرو سختو سره مخامخ كيدل دي او بيا هم معلومه نه ده چه خاتمه به مو څنګه وي! ياد ساتئ! د مرګ په وخت كښے د ايمان بربادولو د پاره شيطان قِسم قِسم طريقے استعمالوي تر دے چه هغه د مور و پلار او نورو خپلوانو په شكل كښے هم راځي او د بنده د ايمان بربادولو كوشش كوي، يقيناً دا داسے نازكه موقع وي چه بس په چا چه د الله پاك خاص كرم او احسان وي هغه كامياب او كامران شي او د هغه ايمان سلامت پاتے شي. څنګه چه

منقُول دي: چه كله د انسان ځنكدن وي نو دوه شيطانان راشي د هغه ښي او ګڅ طرف ته كښيني. ګڅ طرف والا شيطان د هغه د پلار شكل جوړ كړي او وائي: ځويه! اوګوره زه ستا مهربانه او شفيق پلار يم، زه تا ته نصيحت كووم چه ته د نَصارٰى [يعني عيسائيانو] مذهب اختيار كړه او په دے مړ شه ځكه چه دا د ټولو نه بهترين مذهب دے. د ګڅ طرف والا شيطان د مړ كيدونكي د مور په شكل كښے راشي او وائي: زما خوږه ځويه! ته ما په خپله خيټه كښے ساتلے وے، تا ته مے خپل پئ دركړي دي او په خپله غيږه كښے مے پاللے ئے، خوږه ځويه! زه درته نصيحت كووم چه يهودي مذهب اختيار كړه او په دے مړ شه ځكه چه دا د ټولو نه اعلٰى مذهب دے. (التَّذكِرَةُ الْقُرطُبِى ص٣٨ دار الكتب العلمية بيروت)

په ايمان مرګ راشي نو نن او اوس دِ راشي!

خوږو او محترمو اسلامي ورونړو! واقعي د دُنيا نه د اِيمان سلامت وړلو مُعامَله ډيره زياته مشكله ده، كاش! چه مونږ ته د ايمان د حفاظت مضبوطه جذبه را نصيب شي.

Important

Mobile Apps

Contact Us