زيات [ځله] د هغے نه پناه غواړي، دا پخپله د هغه ځائے حالت دے، كه په دے كښے نور عذاب نه وے نو هُم دا څه كم نه وو! خو د كافرو د سزا د پاره نور ډير عذابونه تيار دي، ٭ د اوسپنے داسے درانه ګُرزونو باندے به ئے فرښتے وهي چه كه يو ګُرز په زمكه كيښودے شي نو ټول انسانان او پيريان كه راجمع شي نو اوچت به ئې نه كړي، ٭ كافر به د خپل ژوند نه بيزاره شي او خپل مينځ كښے به مشوره اوكړي او بيا به د جَهنَّم داروغه (يعني د جَهنَّم محافظے فرشتے) مالك عَلَيْهِ السَّلام ته آواز اوكړي چه: اے مالِك (عَلَيْهِ السَّلام)! ستا رب دِ [يعني خپل رب ته اُووايه چه] زمونږه قِصَّه ختمه كړي [يعني مونږ له مرګ راكړي]، مالك عَلَيْهِ السَّلام به د زرو كالو پورے جواب نه وركوي، زر كاله پس به اوفرمائي: ما ته څه وائے؟ هغه ته اووائے د چا مو چه نافرماني كړي ده! [بيا] د زرو كالو پورے به هغوئي الله تعالٰى ته د هغه د رحمت په نومونو نعرے وهي، هغه به د زرو كالو پورے جواب نه وركوي، د هغے نه پس چه فرمائي نو دا به اوفرمائي: لرے شئ! په جهنم كښے پراته اوسئ! زما سره خبرے مه كوئ! ٭ هغه وخت به كافر د هر خير نه نا اُميده شي او د خر د آواز په شان به په چغو چغو ژاړي، ٭ اول به ئے اوښكے بهيږي، ٭ چه اوښكے ئے ختمے شي نو د وينو ژړا به كوي [يعني د سترګو نه به ئے د اوښكو په ځائے وينے روانے شي ] ، ٭ د ژړا په وجه به ئې د مخ په اننګو كښے د كندو په شان قوندړان جوړ شي، ٭ د ژړا په وجه به ترينه دومره وينے او نَوونه اوبهيږي چه كه په هغے كښے كِشتئ واچولے شي نو پكښے روانے به شي. (اَلْاَمَان وَ الْحَفِیْظ) . ^([1])      

د خپلوانو په شكل كښے په اِيمان ډاكه

     خوږو او محترمو اسلامي ورونړو! دُنيا ته په راتلو خو مونږه راغلو خو اوس د دُنيا