وي (2) څوك چه د كوم بنده سره مَحبَّت كوي او د هغه مَحبَّت صرف د الله پاك د پاره وي او (3) هغه څوك چه د الله پاك له طرفه هغه د كفر نه د ويستلو نه پس كفر ته بيرته تلل هُم داسے ناخوښه ګنړي څنګه چه په اور كښے غورزيدل ناخوښه ګنړي. ^([1])

د جهَنَّم سختے

     خوږو او محترمو اسلامي ورونړو! د كوم بدنصيبه چه په كفر خاتمه اوشي هغه به په عذابِ قبر كښے هُم اخته كيږي او ورسره ورسره به هميشه هميشه د پاره جَهنَّم ته هُم ځي او د جَهنَّم عذابونه ډير زيات سخت دي. صدرُ الشريعه مفتى محمد علي اعظمي رَحْمَةُ اللهِ عَلَيْه د جَهنَّم د عذابونو په باره كښے فرمائي: ٭ حضرت جبريل عَلَيْهِ السَّلام خوږ آقا صَلَّى اللهُ تَعَالٰى عَلَيْهِ وَاٰلِهٖ وَسَلَّم ته په قسم سره اُووئيل چه: كه جَهنَّم نه د ستنے د سُوري همره سُورے اوكړے شي نو د ټولے زمكے ټول [مخلوق] به د هغے د ګرمئ نه مړه شي، ٭ په قَسم سره ئې اووئيل چه: كه د جَهنَّم يوه داروغه (يعني په دوزخ باندے محافظه فرښته) دُنيا والؤ ته ظاهره شي نو د زمكے اوسيدونكي ټول به د هغه د ويرے نه مړه شي او ٭ په قَسم سره ئې عرض اوكړو چه: كه د دوزخيانو د زنځير يوه كړئ د دُنيا په غرونو كيښودے شي نو په رپيدو به شي او په خپل ځائے به ټِينګ نه شي تر دے چه لاندينئ زمكے [يعني تَحْتُ الثَّرىٰ] پورے به خخ شي. ٭ دا د دُنيا اور [چه مونږه پرے پخلے كوو] د الله تعالٰى نه سوال كوي چه ما بيا جَهنَّم ته مه بوځے، خو حيرانتيا ده په انسان باندے چه جَهنَّم ته تللو والا كارونه كوي او د هغه اور نه هُم نه يَريږي د كوم نه چه اور هُم يَريږي او پناه ترينه غواړي. ٭ په جَهنَّم كښے مختلفے طَبقے كندے او كوهيان دي، بعضے كندے داسے دي چه د هغے نه جَهنَّم هم هره ورځ اويا ځله يا [د دے نه هُم]