Book Name:Nekiyan Chupayye
ژاړي؟ بي بي صاحبے اووئيل: د ده پلار يعني ابوالحسن طُوسي رَحْمَةُ اللهِ عَلَيْه دے كوټے ته ننوزي او تِلاوت كوي او ژاړي نو د هغوئي آواز چې واوري نو دا هُم په ژړا شي. شيخ ابو عبدُ الله رَحْمَةُ اللهِ عَلَيْه فرمائي: حضرت ابوالحسن طُوسي رَحْمَةُ اللهِ عَلَيْه (د رياكارئ نه د بچ كيدلو د پاره) د نيكو پټولو ډير كوشش كولو، داسے چې كله به د عبادت كولو نه پس د خپلے خاص كوټے نه وتلو نو مخكښے به ئے مخ وينځلو او سترګے به ئے تورے كړے چې د مخ او سترګو په ليدلو باندے چا ته څه اندازه اونشي چې دوئي ژړلي دي. ([1])
آدابِ تلاوت
خوږو او مُحترمو اسلامي ورونړو! معلومه شوه چې د قرآنِ پاك تلاوت كولو يا اوريدلو كښے ژړل زمونږه د بُزرګانِ دِين طريقه بلكه سُنَّتِ مُصطَفىٰ دي. ځكه چې د قرآنِ مجيد د تلاوت كولو يا اوريدلو وخت كښے به بعضے وخت زمونږ د خوږ آقا مكِّـى مَدَنـى مُصطَفىٰ صَلَّى اللهُ عَلَيْهِ وَاٰلِهٖ وَسَلَّم د سترګو مباركو نه اوښكے روانے شوے.
حضرتِ صالِح مُرّي رَحْمَةُ اللهِ عَلَيْه فرمائي چې ما په خوب كښے د حُضُور نَبِـيِّ كريم صَلَّى اللهُ عَلَيْهِ وَاٰلِهٖ وَسَلَّم په مخكښے تلاوت اوكړو نو خوږ نبي صَلَّى اللهُ عَلَيْهِ وَاٰلِهٖ وَسَلَّم را نه تپوس اوكړو چې: اے صالِح دا خو تلاوتِ قرآن دے، ژړا څه شوه؟ (احیاء العلوم، ۱/۸۳۶)