د بيان اوريدلو  نيتونه

     ٭ ښو ښو نِيَّتونو سره د شروع نه تر آخرے پورے بيان واورئ ٭ پوره تَوجُّه سره د بيان اوريدلو نِيَّت اوكړئ ٭ كه قلم او ډائري لرئ نو د اَهَمو نكاتو نوټ كولو نِيَّت هُم اوكړئ.

صَـلُّـوْا  عَلَـی الْحَبِیْب!                                                 صَلَّی اللّٰـہُ عَلٰـی مُـحَـمَّـد

       خوږو او مُحترمو اسلامي ورونړو! نن زمونږ د بيان موضوع ده ”نيكئ پـَټَـوئ“. په دے كښے به مونږه ”د نیکو پټولو“ مُتَعَلِّق آياتِ قرآني او اَحادِيثِ مباركه، ”د نیکو پټولو“ مُتَعَلِّق د بزرګانِ دِين سوچ، ”د نیکو پټولو“ فضائل، ”د نیکو پټولو“ په باره كښے د بُزرګانِ دين اَقوال او واقعات، د نيكو پټولو د پاره دروغ وئيل څنګه دي؟ او د نيكو ښكاره كولو جائز صورتونه او نور ډیر اَھم نکات اورو. الله پاك دِ مونږ ته ټول بيان د ښو ښو نيتونو او مكمل توجه سره د اوريدلو توفیق رانصيب كړي. آمِیْنْ بِجَاہِ النَّبِیِّ الْاَمِیْنْ صَلَّی اللّٰہُ عَلَیْہِ وَاٰلِہٖ وَسَلَّم

د صديق اكبر رَضِىَ اللهُ  عَـنْهُ پټ عمل

      حضرتِ سَيِّدُنا عمر فاروقِ اعظم رَضِىَ اللهُ  عَـنْهُ به د شپے د مدينے مُنَوَّرے د يوے مَحَلّے د يوے نابِينا بوډئ د كور كارونه كول، د هغے د اوبو لوښي به ئے ډك كړل او د كور نور ټول كارونه به ئے ورله اوكړل. د خپل معمول مطابق چې يو ورځ د بوډئ كور ته راغللو نو حيران شو چې ټول كارونه د هغوئي نه مخكښے چا كړي وو. بهر حال بله