Book Name:Nekiyan Chupayye
خوږو او مُحترمو اسلامي ورونړو! په دے آيتِ كريمه كښے الله تعالٰى خپلے نيكئ فخريه طور بيانولو نه منع فرمائيلي ده، څوك چې خلقو ته خپلے نيكئ ښكاره كوي (١) هغوئي په تَكَبُّر كښے اخته كيدے شي (٢)څوك چې خلقو ته خپلے نيكئ ښكاره كوي هغه د حُبِّ جاه [يعني د خپل عِزَّت خوښولو] په آفت كښے ګيريدے شي (٣)څوك چې خلقو ته خپلے نيكئ ښكاره كوي هغوئي د خود پسندئ [يعني د خپل صِفَت خوښولو] په مصيبت كښے ګيريدے شي (٤) نيكئ ښكاره كولو سره د نيكو پټولو د ثواب نه محرومي كيدے شي. او (٥) څوك چې خپلے نيكئ ښكاره كوي هغوئي د رياكارئ په تباه كارئ كښے اخته كيدے شي.
ياد ساتئ! (١) رياكاري ګناهِ كَبِيره، حرام او جَهنَّم ته بوتلونكے كار دے. (٢) رياكاري د الله پاك او د هغه د رَسُول صَلَّى اللهُ عَلَيْهِ وَاٰلِهٖ وَسَلَّم د ناراضه كيدلو باعِث ده. (٣) رياكارئ سره اعمال برباديږي (٤) رياكار به د قيامت په ورځ ارمان كوي. (٥) رياكارئ والا عمل د الله پاك په بارګاه كښے قبول نه دے (٦) رياكار ته به د رُسوائي عذاب وركولے كيږي. (٧) په رياكار باندے جَنَّت حرام دے (٨) رياكار د جَنَّت د خوشبو نه هُم محرومه وي (٩) په رِياكار لعنت شوے دے. (١٠) د رِياكار په آخرت كښے هيڅ حِصَّه نشته. الله پاك دِ مونږه د رِياكارئ د آفت نه محفوظ اوساتي.