Book Name:Nekiyan Chupayye
د نيكو پټولو د پاره دروغ وئيل څنګه دي؟
اے عاشقانِ رَسُول! د رياكارئ وغيره نه بچ كيدلو د پاره نيكئ پټے ساتل ضروري دي خو د نيكو پټولو د پاره د دروغو وئيلو قطعاً اجازت نشته. مَثَلًا كه څوك د حج، نفل روژے، نفل لـمونځ، د حافِظِ قرآن كيدلو يا د عالِم يا سیِّد كيدلو مُتَعَلِّق تپوس اوكړي نو د دروغو وئيلو بالكل اجازت نشته.
د نيكو ښكاره كولو جائز صورتونه
خوږو او مُحترمو اسلامي ورونړو! خپلے نيكئ حَتَّى الْاِمكان [يعني چې څومره كيدے شي] پټے ساتلو كښے خير دے خو بعضے حالاتو كښے ښو ښو نِيَّتونو سره د نيكو ښكاره كولو اجازت هُم شته دے، مَثَلًا داسے كس چې هغه د خلقو پيشوا [يعني دِيني مشر] وي، خلق ورسره مَحبَّت او عقيدت لري او نيكو اعمالو كښے د هغه پيرَوِي كوي نو د داسے كس د خلقو د ترغيب د پاره خپل نيك عمل ښكاره كول جائز بلكه افضل دي. چنانچه
حضرتِ سَيِّدُنا عبدُالله اِبنِ عُمَر رَضِىَ اللهُ عَـنْهُمَا نه رِوايت دے چې نبي كريم صَلَّى اللهُ عَلَيْهِ وَاٰلِهٖ وَسَلَّم اِرشاد فرمائيلے دے: پټ عبادت د ښكاره عبادت نه افضل دے او د چا چې خلق پيرَوِي كوي د هغه عَلانِيه [يعني ښكاره] عبادت د پټ عبادت نه افضل دے.[1]
خپل ځان نه د تُهمَت لرے كولو او خلق د بَدګُمانئ نه د بچ كولو د پاره هُم د خپل عمل ښكاره كولو اجازت شته دے. څنګه چې تفسير روحُ البيان كښے دي چې كه نيك عمل په فرائضو كښے شامل وي نو د فرائضو په حق كښے دا دي چې د دے اعلان او