وعده ده: چه څوك د خپل ربّ په حُضور كښے د اودريدلو نه اويريږي د هغه د پاره دوه جَنَّتونه دي، آيا تا ته هغه جَنَّتونه نصيب شوي دي؟ نو هغه ځلمي د قبر نه جواب وركړو چه الله پاك ما ته هغه دواړه جَنَّتونه راكړي دي.

     يوه بله اهمّه خبره دا معلومه شوه چه كه په بنده كښے د شرم و حيا جذبه بيداره وي نو د هر قِسمه ګناهونو نه بچ كيدے شي. او كه بنده كښے شرم و حيا نه وي نو په هغه كارونو كولو كښے چه بندګان ئے هُم ناخوښه ګنړي، بلكه هغه د الله پاك په نزد ناخوښه كارونو كولو كښے هُم څه شرم نه محسوسوي.

 مونږه دا هُم واوريدل چه اول خو هغه ځلمے د شيطان په دوكه كښے راغے خو چه څنګه ورته د قرآنِ پاك آيت ورياد شو نو پوهه شو چه دا خو داسے كار دے چه زما خالِق و مالِك الله تَبارَكَ وَ تَعَالٰى پرے ناراضه كيږي نو د شرم او پښيمانتيا په وجه بے هوشه شو. او شرم و حيا هُم دے ته وائي چه هغه هر كار چه د الله پاك يا بندګانو په نِزد ناخوښه وي هغه پريښودے شي.

د شرم و حيا اَهَمِّيَّت

     په دے كښے شك نشته چه شرم و حيا يوه داسے مضبوطه قلعه ده چه دا بنده د ذِلَّت او رُسوائي د ټولو كارونو نه بچ ساتي، او چه كله څوك د شرم و حيا د دے قلعے نه اوځي نو هغه د بے شرمئ او بے حيائي په كندو كښے پريوزي.

     هسے خو په انسان كښے نور هُم ډير عادتونه او صِفَتونه وي خو شرم و حيا يو داسے صِفَت دے چه كه د خبرو اترو د انداز، او د اناستے ولاړے نورو عادتونو نه دا