شرم و حيا جو پيڪر بڻجڻ لڳو۔ اعليٰ حضرت رَحْمَةُ اللهِ عَلَيْه ڇا ته خوب فرمائن ٿا:

نیچی نظروں کی شرم وحیا پر دُرُود

اونچی بِینی کی رِفعت پہ لاکھوں سلام

(حدائقِ بخشش، ص۳۰۱)

اسان کي ڇا ڪرڻ گھرجي؟

هن مان اسان کي به اهو درس مليو ته جيڪڏهن اسان پنهنجي گھر ۾ شرم و حيا جو ماحول بنائڻ چاهيون ٿا ته پهريان اسان کي خود پنهنجي اندر شرم وحيا پيدا ڪرڻي پوندي۔ ٭ جيڪڏهن اسان جي خواهش آهي ته اسان جا گھر وارا بي پردگي کان بچن ته پهريان اسان کي پاڻ حيا جو پيڪر بڻڻو پوندو۔ ٭ جيڪڏهن اسان اهو چاهيون ٿا ته اسان جا گھر وارا فلمن ۽ ڊرامن جي حيا سوز منظرن کان بچن ته پهريان اسان کي پاڻ فلمن ڊرامن جو بائيڪاٽ ڪرڻو پوندو۔ ٭ جيڪڏهن اسان اهو چاهيون ٿا ته اسان جا گھر وارا محرم ۽ غير محرم جي پردي کي يقيني بڻائن ته پهريان اسان کي پاڻ ان جي پاسداري ڪرڻي پوندي۔ ٭ جيڪڏهن اسان اهو چاهيون ٿا ته اسان جي گھر ۾ اهڙو لباس نه پاتو وڃي جيڪو شرم و حيا جي خلاف آهي ته پهريان اسان کي به اهڙن لباسن کي ڇڏڻو پوندو۔ ٭ جيڪڏهن اسان اهو چاهيون ٿا ته اسان جي گھر ۾ ڪا اهڙي ڳالھ نه ٿئي جيڪا شرم وحيا جي خلاف هجي ته پهريان اسان کي پاڻ به فحش ۽ بي حيائي واري گفتگو کان بچڻو پوندو۔ ٭ جيڪڏهن اسان جي اها خواهش آهي ته اسان جا گھر وارا نگاهون جهڪائڻ وارا بڻجن ته پهريان اسان کي نگاهون جھڪائڻ جي عادت بنائڻي پوندي۔ ٭ جيڪڏهن اسان جي اها خواهش آهي ته اسان جا گھر وارا گانا ٻڌڻ ٻڌائڻ کان بچن ته پهريان اسان کي گانن باجن کان پنهنجي نفرت ظاهر ڪرڻي پوندي۔ ٭ جيڪڏهن اسان جي اها خواهش آهي ته اسان جا گھر وارا پارڪن، شاپنگ سينٽرز ۽ بازارن ۾ بي پرده نه گُھمن ته اسان کي پاڻ به ان کان پري رهڻو پوندو۔ ٭ جيڪڏهن اسان جي اها خواهش آهي ته