Book Name:Isteqmat Kamyabi Ka Raaz Hai
کیلئے کوشش بھی ہو گی تو اللہ پاک نے چاہاتو یہ دولتِ عظمیٰ ضرور حاصل ہو گی۔
ارادے جن کے پختہ ہوں نظر جن کی خدا پر ہو تلاطُم خیز موجوں سے وہ گھبرایا نہیں کرتے
استقامت کی دعا مانگنے سے بھی استقامت کی بہترین دولت نصیب ہو سکتی ہے۔ لہٰذااپنے ربِّ کریم کے حضور دعا کیجئے اور گِڑگِڑائیے کہ اے مالک و مولیٰ!اپنے فضل سے نیک کاموں پر استقامت عطا فرما۔ یاد رکھئے! حدیثِ پاک میں دعا کو مومن کا ہتھیار قرار دیا گیا ہے، لہٰذا اس ہتھیار کو استعمال کیجئے اور استقامت کی بھیک اپنے ربِّ کریم سے بار بار پورے خلوص اور سچی نیت کے ساتھ طلب کیجئے۔ آئیے! ہم بھی مل کر امیر اہلسنت دَامَتْ بَرَکَاتُہُمُ الْعَالِیَہکی مانگی ہوئی دعائیں عرض کرتے ہیں:
یا خدا میری مغفرت فرما باغِ فردوس مرحمت فرما
دین اسلام پر مجھے یا رب استقامت تُو مرحمت فرما
مصطفے کا وسیلہ توبہ پر تُو عنایت مداومت فرما
مجھ کو ”قفلِ مدینہ“ پر یارب تُو عنایت مداومت فرما
یا خدا مدنی قافلوں پر بھی تُو عنایت مداومت فرما
کاش چھوڑوں نہ ”مدنی انعامات“ تُو عنایت مداومت فرما
(وسائلِ بخشش مرمم، ص۷۵)
صَلُّوْا عَلَی الْحَبِیْب! صَلَّی اللّٰہُ عَلٰی مُحَمَّد