اچو تفسير صِراطُ الْجِنَان جون ڪجهه خوبيون به ٻڌون ٿا: (1) تفسير صِراطُ الجنان ۾ هر آيت جا 2 ترجما ڏنا ويا آهن، هڪ اعليٰ حضرت مولانا شاھ امام احمد رضا خان رَحْمَةُ اللهِ عَلَيْه جي ڪنزالايمان مان، ٻيو ترجمو آسان اُردو ۾ ڪنزُ العرفان جي نالي سان ڏنو ويو آهي۔ جيڪو ڪنزالايمان مان ئي آسان اردو ۾ ترتيب ڏنو ويو آهي. (2) تفسيرصِراطُ الجنان ۾، تفسير خزائنُ العرفان ۽ تفسير نورُالعرفان جو فيضان آهي، تفسير خزائنُ العرفان، خليفه اعليٰ حضرت، صدرُالافاضل سيد، حافظ، حڪيم مُفتي نعيمُ الدّين مُراد آبادي رَحْمَةُ اللّٰهِ عَلَيۡه جو ۽ تفسير نورُالعرفان سندن مشهور خليفي، مُفسر، حڪيمُ الامّت مفتي احمد يارخان نعيمي رَحْمَةُ اللّٰهِ عَلَيۡه جو آهي، (3) تفسير صِراطُ الجنان نه وڌيڪ ڊگھو آهي نه ئي نهايت مختصر، بلڪه متوسط ۽ جامع آهي۔ (5) تفسير صِراطُ الجنان ۾ وس آهر آسان انداز اختيار ڪيو ويو آهي ته جيئن عام اسلامي ڀائر به هن مان فائدو حاصل ڪري سگھن۔ (5) تفسير صِراطُ الجنان ۾ اعمال جي اِصلاح جي لاءِ نيون پيدا ٿيندڙ مُعاشرتي بُرائين جو به رد ڪيو ويو آهي۔ (6) تفسير صِراطُ الجنان ۾ باطني بيمارين جي باري ۾ به تفصيل سان ڪلام ڪيو ويو آهي۔ (7) تفسير صِراطُ الجنان ۾ والدين، رِشتيدارن، يتيمن، پاڙيسرين وغيره سان سٺو سلوڪ ڪرڻ ۽ صِله رحمي ڪرڻ جي باري ۾ به اِصلاحي مواد موجود آهي۔ (8) تفسير صِراطُ الجنان ۾ عقائدِ اهلسنّت ۽ معمولاتِ اهلسنّت کي دلائل سان پيش ڪيو ويو آهي۔ (9) تفسير صِراطُ الجنان ۾ موقعي جي مناسبت سان حضورِ پُرنور صَلَّى اللّٰهُ عَلَيۡهِ واٰلِهٖ وَسَلَّمَ ۽ صحابه ڪرام عَـلَيْهِمُ الرِّضْوَانْ ۽ اولياءِ عِظام جي سِيرت ۽ واقعا به ذِڪر ڪيا ويا آهن۔ (10) تفسير صِراطُ الجنان ۾ آيتن مان حاصل ٿيندڙ فائدا به آسان ۽ سادي انداز ۾ بيان ڪيا ويا آهن۔

12مدني ڪمن مان هڪ مدني ڪم ”بعدِ فجر مَدَني حلقه“

اچو! اسان به نيت ڪريون ٿا ته روزانو گھٽ مان گھٽ 3 آيتون، ترجمي ۽ تفسير سان گڏ صراط الجنان جو مطالعو ڪنداسين ۽ قرآنِ پاڪ جي تعليمات تي نه صرف پاڻ عمل ڪنداسين بلڪ ٻين اسلامي ڀائرن کي به ترغيب