Book Name:Wah Kya Baat Gaus e Azam Ki
غوث رَنج و اَلَم مِٹاتے ہیں،اُس کو سِینے سے بھی لگاتے ہیں آ گیا جو بھی غم کا مارا ہے واہ کیا بات غوثِ اعظم کی
(وسائلِ بخشش مُرمّم،ص۵۷۷،۵۷۸)
صَلُّوْا عَلَی الْحَبِیْب! صَلَّی اللّٰہُ عَلٰی مُحَمَّد
اےعاشقانِ غوث ِاعظم!ایثاروسخاو ت کاجذبہ پانے،مسلمانوں کےساتھ حُسنِ اَخلاق سے پیش آنے،غریبوں ، تنگدستوں اور محتاجوں کی حاجت روائی کا جذبہ پانےاورغوث پاک رَحْمَۃُ اللّٰہ عَلَیْہکی سیرتِ طیبہ کے روشن پہلوؤں پرعمل کا جذبہ بڑھانے کے لئے عاشقانِ رسول کی مدنی تحریک سےوابستہ ہوجائیے ،اَلْحَمْدُلِلّٰہ!عاشقانِ رسول کی مدنی تحریک دعوتِ اسلامی کم وبیش107شعبہ جات میں نیکی کی دعوت عام کرنےمیں مصروف ہے،جن میں سے ایک شعبہ(Depart)’’مجلس ہومیوپیتھک ڈاکٹرز‘‘بھی ہے۔ موجودہ دورمیں عِلاج کےمختلف طریقے رائج ہیں، ایلو پیتھک اور میڈیسن سے علاج کرنے والوں کو ایلو پیتھک ڈاکٹرز ،ہومیو پیتھک و ادویات سےعلاج کرنےوالوں کو”ہومیو پیتھک ڈاکٹرز“،یونانی طریقۂ طِب و ادویات سے علاج کرنے والوں کو”حکیم“کہا جاتا ہے۔عاشقانِ رسول کی مدنی تحریک دعوتِ اسلامی کےمدنی ماحول میں ڈاکٹرزکےلیےالگ الگ مجالس قائم کی گئی ہیں۔ان تمام مَجالس کا بنیادی مقصداس پیشےسےوا بستہ لوگوں میں فَرض علوم کی اہمیت اُجاگرکرنا،ان تک دعوتِ اسلامی کامدنی پیغام پہنچانااور انہیں دعوتِ اسلامی کےمدنی ماحول سے وابستہ کرتے ہوئےاس مدنی مقصد’’مجھے اپنی اورساری دُنیا کے لوگوں کی اِ صلاح کی کوشش کرنی ہے۔ اِنْ شَآءَاللہ“کے مُطابِق زندگی گُزارنےکاذِہْن دیناہے۔ اللہ پاک دعوتِ اسلامی کی تمام مجالس و شعبہ جات کو مزید ترقیاں عطافرمائے ۔اٰمِیْن بِجَاہِ النَّبِیِ الْاَمِیْن صَلَّی اللّٰہُ عَلَیْہِ واٰلِہٖ وَسَلَّمَ