Book Name:Wah Kya Baat Gaus e Azam Ki
دِین جاتا رہا۔(کَشْفُ الْخِفاء ،۲ / ۲۱۵،رقم: ۲۴۴۲)
اےعاشقانِ غوث ِاعظم!ہمیں چاہئےکہ دنیاوی مالداروں کی خوشامدوچاپلوسی کرنے اورجگہ جگہ ان کی جھوٹی تعریفوں کے پُل باندھنےکے بجائے ان کو نیکی کی دعوت اور فکرِآخرت کا ذہن دیں ،نیکی کی دعوت کی برکت سےاللہ پاک نے چاہاتوہمارے معاشرے (Socity) سے بُرائیاں ختم ہونا شروع ہوجائیں گی، ہر طرف نیکیوں کی بہاریں ہوں گی ،ہمارا معاشرہ ، ہماری گلی محلہ اور ہرگھر اَمن کا گہوارہ بننا شروع ہوجائےگا،ہرطرفسُنّتوں کی بہاریںآجائیں گی،نفرتوں کی دِیواریں محبّتوں کی فضاؤں میں تبدیل ہونا شروع ہو جائیں گی،کئی کئی سالوں سے بچھڑے ہوئے دوست احباب اور خاندان آپس میں مِل جائیں گے، رُوٹھے ہوئے مَان جائیں گے، گناہ کرنے والے نیکیاں کرنےوالے بن جائیں گے، نمازیں قضا کرنے والے نمازوں کے پابند بن جائیں گے، ہر گھر سے تلاوتِ قرآن کی آوازیں آنےلگیں گی، گناہوں کوپھیلانے والے نیکی کی دعوت دینے والے بن جائیں گے۔
دُنیابھر میں نیکی کی دعوت پہنچانے کاعظیم جذبہ رکھنے والے،اُمّت کے خیرخواہ،امیرِ اہلسنّت، بانیِ دعوتِ اسلامی،بارگاہِ مصطفیٰ میں فریادپیش کررہے ہیں:
مجھے تم ایسی دو ہمّت آقا، دُوں سب کو نیکی کی دعوت آقا
بنا دو مجھ کو بھی نیک خصلت، نبیِّ رَحمت شفیعِ اُمّت
(وسائلِ بخشش مرمم،ص۲۰۸)
صَلُّوْا عَلَی الْحَبِیْب! صَلَّی اللّٰہُ عَلٰی مُحَمَّد