غوثِ پاک رَحْمَۃُ اللّٰہ عَلَیْہ کامختصر تعارف

       پیارے پیارے اسلامی بھائیو!حضور غَوْثُ الاَعْظَم، شیخ عبدُالْقادِرجِیلانی رَحْمَۃُ اللّٰہ عَلَیْہ کی ولادتِ باسعادت یکم(1) رمضان     470؁ھ جمعۃُ المبارک کو جِیلان میں ہوئی۔ آپ رَحْمَۃُ اللّٰہ عَلَیْہ کی کنیت ابومحمد ہے جبکہ مُحِیُّ الدِّین، محبوبِ سبحانی، غوثِ اعظم، غوثِ ثَقَلَیْن وغیرہ آپ کے القابات ہیں۔ آپ کے والدِ محترم کانام حضرت  ابوصالح مُوْسیٰ جنگی دوست اور والدہ محترمہ کا نام اُمُّ الْخَیْر فاطمہ رَحْمَۃُ اللّٰہ عَلَیْہَاہے، آپ والدِ محترم کی طرف سے حَسَنی اور والِدہ ماجِدہ رَحْمَۃُ اللّٰہ عَلَیْہَا کی طرف سے حُسینی سَیِّد ہیں۔حضرتِ  ابنِ جوزی رَحْمَۃُ اللّٰہ عَلَیْہ فرماتے ہیں: حضرت  شیخ عبدُالقادِر جیلانی رَحْمَۃُ اللّٰہ عَلَیْہ نے11ربیعُ اْلآخِر 561 ہجری ،بعد نمازِ مغرب بغداد شریف میں وصال فرمایا، وصال کے وقت آپ کی عمر شریف تقریباً 91 سال تھی،نمازِ جنازہ شہزادۂ غوثِ اعظم حضرت سید سَیْفُ الدّین عبدالوہاب قادری رَحْمَۃُ اللّٰہ عَلَیْہ نے پڑھائی اور لاتعداد لوگوں نے جنازہ میں شرکت کی۔ آپ رَحْمَۃُ اللّٰہ عَلَیْہ کا مزارِ پُراَنوارعراق کے مشہور شہر بغداد شریف میں ہے،جہاں دن رات  زیارت کرنے والوں کا ہجوم رہتا ہے۔(الزیل علی طبقات الحنابلۃ،۳/ ۲۵۱)

مِرے خواب میں آ بھی جا  غوثِ  اعظم                    پِلا جامِ دِیدار یاغوثِ اعظم

کچھ ایسی پِلا دو شرابِ محبت                                    نہ اُترے کبھی بھی نشہ غوثِ اعظم

(وسائلِ بخشش مُرَمَّم،ص۵۵۲)

صَلُّوْا عَلَی الْحَبِیْب!                                           صَلَّی اللّٰہُ عَلٰی مُحَمّد

       اے عاشقانِ اولیاء!حضورسیدی غوثِ اعظم رَحْمَۃُ اللہِ عَلَیْہ کے جذبَۂ اِیثار پر مشتمل ایک