ټولے خزانے د هغوئي په لاس كښې دي، كه هغوئي صَلَّى اللهُ عَلَيْهِ وَاٰلِهٖ وَسَلَّم غوښتلے نو ټولے خزانے به ئے مخے ته حاضرے وے او چه هغوئي صَلَّى اللهُ عَلَيْهِ وَاٰلِهٖ وَسَلَّم څنګه غوښتلے استعمالولے به ئے، خو دا د هغوئى د كمال درجے عاجزي ده چه د دواړو جهانو د بادشاه او مالِك كيدو باوجود ئے هُم په خيټه مباركه باندے كانړي تړلي وو.

     دا خبره هُم د غور قابله ده چه خوږ مكِّـى مَدَنـى آقا صَلَّى اللهُ عَلَيْهِ وَاٰلِهٖ وَسَلَّم د خپلو غُلامانو سره په شريكه كار كولو، حالانكه كه هغوئي صَلَّى اللهُ عَلَيْهِ وَاٰلِهٖ وَسَلَّم غوښتلے نو صرف نګراني به ئے كولے او د خَندَق كنستلو ټول كار به صحابۀ كرامو عَـلَيْهِمُ الرِّضْوَان كولے، په دے مبارك عمل كښې د خوږ آقا صَلَّى اللهُ عَلَيْهِ وَاٰلِهٖ وَسَلَّم د عاجزئ او اِنكِسارئ كولو اظهار هم دے، صحابۀ كرامو سره مَحبَّت هم دے او د اُمَّت د پاره پكښې تعليم هُم دے.

      په دے خبره هم غور اوكړئ چه يو ګټ چه ډيرو صحابه كرامو عَلَيْهِمُ الرِّضْوان په شريكه نه شو ماتولے آقا كريم صَلَّى اللهُ تَعَالٰى عَلَيْهِ وَاٰلِهٖ وَسَلَّم د دے باوجود چه د ډيرو ورځو فاقه [يعنی لوږه] ئے وه، څه ئے نه وو خوړلي. په خيټه مباركه ئے كانړي تړلي وو خو بيا هم چه كله هغوئي صَلَّى اللهُ تَعَالٰى عَلَيْهِ وَاٰلِهٖ وَسَلَّم  په خپلو لاسو مباركو صرف يو پَلك اووهلو نو پوره ګټ د شګے په شان ريزه ريزه شو. د دے نه معلومه شوه چه مَدَني تاجدار صَلَّى اللهُ تَعَالٰى عَلَيْهِ وَاٰلِهٖ وَسَلَّم هيڅ كله ھم زمونږ په شان نه دے. نه د هغوئي صَلَّى اللهُ تَعَالٰى عَلَيْهِ وَاٰلِهٖ وَسَلَّم په شان څوك شته او نه كيدے شي.  

دولسو مدني كارونو كښے يو مدني كار ”جُمات درس“

     خوږو او مُحترمو اسلامي ورونړو! نن په دے دور كښے د عاشقانِ رسول مدني