شعبہ ائمہ مساجد

پیارے پیارے اسلامی بھائیو!نیکیوں کی مزید حرص پانے اور گناہوں سے بچنے کا ذہن بنانے کے لیےعاشقانِ رسول کی پیاری تحریک دعوتِ اسلامی سے وابستہ ہو جائیں۔ اَلْحَمْدُ لِلّٰہدعوتِ اسلامی نیکی کی دعوت عام کرنے کیلئے 107سے زائد  شُعبہ جات میں کام کر رہی ہے، اِنہی میں سے ایک،شعبہ ’’ اَئمۂ  مساجد‘‘ بھی ہے، جو مَساجد کی آبادکاری کیلئے ائمہ ومُؤذِّنین کی تَقرُّرِی کا کام سَراَنْجام دیتا ہےاوران کی خَیْرخَواہی کرتے ہوئے مناسب مُشاہرے بھی مُقَرَّر کرتا ہے، تاکہ یہ اسلامی بھائی مُعاشی پریشانیوں سے آزادہوکر خُوب خُوب نیکی کی دعوت عام کرتے رہیں۔ مَساجد کوآباد کرنے میں اَئمہ ومُؤذِّنین کا اَہَمّ کردار ہوتا ہے ۔اَلْحَمْدُ لِلّٰہ دعوتِ اسلامی کے ماحول سے مُنْسلک اَئمۂ کرام نماز فجر کے لئے مسلمانوں کو جگانے ، اِنْفِرادی کوشش کے ذَریعے نمازِ باجماعت کی طرف رَغْبت دلانے،دَرسِ فیضانِ سُنَّت دینے ، نمازِ فجر کے بعد تفسیرِ قرآن کے حلقے میں شِرکت کرنے کروانے  اورسُنَّتوں  کی تربیت کیلئے عاشقانِ رسول کے قافلوں میں سفر کرنے کروانے  کے ذریعے مَسجدوں کو آباد رکھتے ہیں۔ فرمانِ مُصْطَفٰے صَلَّی اللّٰہُ عَلَیْہِ واٰلہٖ وسلَّمہے :جو مسجد سے اُلفت رکھتا ہے، اللہ اُس سےمَحَبَّت کرتا ہے۔ (مُعْجَمُ اَ وْسَط، ۴/۴۰۰،حدیث: ۶۳۸۳)

حضرت علّامہ عبد الرّؤف مَنَاوِی رَحْمَۃُ اللّٰہ عَلَیْہ اس حدیثِ پاک کی شرح میں لکھتے ہیں: مسجد سے اُلْفت، رِضائے الٰہی کے لئے اس میں اعتکاف، نماز، ذِکْـرُاللہ اور شَرعی مَسائل سیکھنے سکھانے کے لئے بیٹھے رہنے کی عادت بنانا ہے اوراللہ پاک کا اس بندے سے مَحَبَّت کرنا اس طرح ہے کہ اللہ   پاک اس کو اپنے سایۂ  رَحْمت میں جگہ عطا فرماتا اور اس کو اپنی حِفاظت میں داخل فرماتا ہے۔ (فیض القدیر،  ۶/۱۱۲،