په زمکه كښے خخ کړے شو، هغه به ترقيامته پورے مسلسل خخيږي. (صحيح   مسلم  ص1156 حديث2088) ٭ حضورِ اکرم صَلَّى اللهُ تَعَالٰى عَلَيْهِ وَاٰلِهٖ وَسَلَّم به بعضے وخت كښے په روانه كښے د يو صحابي رَضِىَ اللهُ تَعَالٰی عَـنْهُ لاس په خپل لاس مبارك كښے اونيولو. (المعجم الکبير ج7 ص277 حديث  7132) ٭ رَسُولِ اکرم صَلَّى اللهُ تَعَالٰى عَلَيْهِ وَاٰلِهٖ وَسَلَّم به چه روان وو نو مخے طرف ته به لږ شان ټِيټ شوے تلَلو، لکه د لوَړے نه چه راکوزيږي. (الشَّمائل المحمّدية للترمِذى   ص 87  رقم118)  ٭ په غاړه كښے د سرو زرو يا د هر قسم وسپنے زنځير اچولے، خلقو ته د ښودلو د پاره خلاص ګريوان په كبر هيڅ کله مه ګرځئ، ځکه چه دا د کم عقلو، کبرژنو او فاسِقانو ګرځيدل دي. په غاړه كښے د سرو زرو چَـين يا بريسليټ (Bracelet) اچول د نارينه د پاره حرام، او نور د هر قِسم وسپنے هم ناجائِزه دي. ٭ که څه وجه نه وي نو د لارے په غاړه غاړه په درميانه رفتارسره ځئ، نه دومره تيز چه خلق ستاسو په تماشه شي چه دا چرته په منډه منډه روان دے! او نه دومره په قلاره چه خلق مو بيمار اوګنړي. د اَمرَد  [يعني بے ګيرے هلك] لاس نيول نه دي كار، شَهوت سره د هر يو اسلامي ورور لاس نيول يا مصافَحه کول (یعني لاس مِلاوول) ياغاړه ورکول حرام او جهنّم ته بوتلونكے کار دے. ٭ په لاره تللو كښے پريشان نظري (يعني بے حاجته اخوا ديخوا کتل) سُنَّت نه دي، نظر ښکته ساتئ او په وقار [يعني احترام] سره ځئ. حضرت سيِّدنا حَسَّان بن اَبِـي سِنان رَحْمَةُ اللهِ تَعَالٰی عَلَيْه د اختر د لـمانځه د پاره لاړو، چه بيرته ئے کور ته تشريف راوړو نو ښځے (يعني بي بي صاحبے) ورته اووئيل: نن دِ څومره ښځے اوليدلے؟ هغوئي رَحْمَةُ اللهِ عَلَيْه خاموشه وو، چه کله هغے ډير ځل تپوس اوكړو نو اوئے فرمائيل: ”دکور نه د وتلو نه واخله بيرته ستا خوا ته راتلو پورے ما (د خپلو ښپو) ګوتو ته کتل.“ (کتابُ الورَع مع موسُوعَه اِمام اِبنِ ابي الدّنيا  ج1 ص205) سُبحٰن الله عَزَّوَجَلَّ الله والا خلق چه په لاره روان وي نو بے ضرورته او خاص طور د ګنړے په وخت كښے هډو اخوا