دے، مونږه ټولو جمات ښه صفا كړو، د مازديګر لمَانځه نه پس د مدني دورے د پاره د لوبو ميدان ته ورغلو او په لوبو كښے مشغولو ځلمو ته مو د نيكئ دعوت وركړو. اَلْـحَـمْدُ لِـلّٰـه يو څو ځلمي سمدستي زمونږ سره راتللو ته تيار شو، جمات ته راغلل، لمُونځ ئے ادا كړو او د سنتو ډك بيان اوريدلو سعادت ئے حاصل كړو، مونږ په هغوئي انفرادي كوشش اوكړو او هغوئي د جمات آبادولو نيت اوكړو. هلته موجود يو سپين ګيري كس چه دا منظر اوليدولو نو په سترګو كښے ئے اوښكے راغلے او هغه اُووئيل چه ما خو به خلقو ته د جمات آبادولو وئيلے خو زما خبره چا نه منله؟ اَلْـحَـمْدُ لِـلّٰـه!  نن د عاشقانِ رسول د علاقائي دورے په بركت زمونږ جمات آباد شو.

     خوږو او مُحترمو اسلامي ورونړو! مونږه د رَبِيعُ الْاَوَّل فضائل او بركات او په دے مُقَدَّسه مياشت كښے كيدونكو د نيكو اعمالو متعلق بيان اوريدلو، زمونږه بُزرګانِ دين به دا مياشت په ډير زيات احترام او ادب او په عبادت او رياضت كښے تيروله. په دے مياشت كښے به ئے خاص طور د خوږ نبـي صَلَّى اللهُ تَعَالٰى عَلَيْهِ وَاٰلِهٖ وَسَلَّم ميلاد شريف مناوولو، ډير خيرات او صدقات به ئے كول، د غريبانو، مسكينانو او بے وسو خلقو مدد به ئے كولو، راځـئ چه د ميلاد شريف يوه واقعه واورو: چنانچه

ربيعُ الاول او د اِربل بادشاه

     د اِربَل د بادشاه نوم ابو سعيد مظفر رحمَةُ اللّٰهُ تعالٰى  عَلَيه وو هغوئي د عظیم فاتِح سلطان صلاحُ الدّین  اَیُّوبی رَحْمَةُ اللهِ عَلَيْه اوښے [یعنی د خور خاوند] وو، دا بادشاہ ډير سخی، نیک اور عادل او عالِم ھم وو، ډير بهادر او عقلمند وو. هغوئي ډير ښكلي يادګارونه پريښودي