Share this link via
فیضانِ رَبِیْعُ الْاَوَّلْ
قدرکرتے ہوئے خوب نیک اعمال کریں،ربِّ کریم کی رضاوخوشنودی حاصل کرنے، رحمتِ الٰہی کی حقدار بننے،بارگاہِ مصطفٰےمیں ایصالِ ثواب پیش کرنےکی نیت سے جس سے ہوسکے اس مہینے کی پہلی تاریخ سے بارہویں تاریخ تک 12نفلی روزے رکھیں،بالخصوص بارہویں کوتو روزہ رکھنےکی بھر پور کرشش کیجئے،کیونکہ ہمارے پیارے پیارے آقا،مدینے والے صَلَّی اللہُ عَلَیْہِ وَاٰلِہٖ وَسَلَّم ہر پیر شریف کو روزہ رکھ کر اپنا یومِ ولادت مناتے تھے۔ چنانچہ
حضرت اَبُو قَتَادَہرَضِیَ اللہُ عَنْہُفرماتےہیں:حضورنبئ رحمت،شفیعِ اُمّت صَلَّی اللّٰہُ عَلَیْہِ وَاٰلِہٖ وَسَلَّمکی بارگاہ میں پیر کےروزے کے بارے میں دریافت کیاگیا توارشاد فرمایا:اِسی دن میری وِلادت ہوئی اور اسی روز مجھ پر وَحی نازِ ل ہوئی۔(مسلم،کتاب الصیام،باب استحباب صیام ثلاثۃ۔۔۔الخ،ص۴۵۵،حدیث:۲۷۵۰)
پیاری پیاری اسلامی بہنو! یقیناً حقیقی عشقِ رسول رکھنے والوں کی پہچان یہ ہوتی ہےکہ وہ دنیا کی مَحَبَّت سے پیچھا چھڑا کر اپنی زندگی کے ہر ہر معاملے میں اِطاعتِ رسول کواوڑھنا بچھونا بنالیتے ہیں ، اس کی ایک مثال امیرِاہلسنَّت،حَضْرتِ علّامہ مَولَانا محمد الیاس عطّار قادریدَامَتْ بَـرَکاتُہُمُ الْعَالِیَہکی ذاتِ مُبارکہ بھی ہے،آپ دَامَتْ بَـرَکاتُہُمُ الْعَالِیَہ بارہویں شریف اور بالخصوص ہرپیر شریف کو روزہ رکھتےہیں اوراپنے مُریدین و مُحِبّین کوبھی ہرپیر شریف کاروزہ رکھنےکی بھر پُورترغیب دِلاتے ہیں۔لہذاہمیں چاہئےکہ یادِمصطَفٰے میں نہ صرف خود بلکہ اپنے گھروالوں کوبھی بارہویں شریف کاروزہ رکھنے کی دعوت دیں ا ور ربِّ کریم کی اس عظیم نعمت کا شکر ادا کریں اور بارگاہِ مصطفٰے میں ایصالِ ثواب پیش کرکے دنیاو آخرت کی برکتوں کی حقداربنیں ۔
صَلُّوْا عَلَی الْحَبِیْب! صَلَّی اللّٰہُ عَلٰی مُحَمَّد
