شبِ وِلادت شبِ قَدْر سےبھی افضل ہے،کیونکہ شبِ ولادت سرکارِ مَدینہ صَلَّی اللّٰہُ عَلَیْہِ واٰلِہٖ وَسَلَّمَ کے اس دُنیا میں جلوہ گر ہونےکی رات ہے، جبکہ لَیْلَۃُ الْقَدْرسرکار صَلَّی اللّٰہُ عَلَیْہِ واٰلِہٖ وَسَلَّمَ کو عطا کردہ شب ہے اور جو رات ظُہُورِ ذاتِ سرورِ کائنات  صَلَّی اللّٰہُ عَلَیْہِ واٰلِہٖ وَسَلَّمَ کی وجہ سے مُشَرَّف ہو، وہ اُس رات سے زِیادہ شَرَف و عزّت والی ہے، جو ملائکہ کے نُزول کی بِناء پر مُشرَّف ہے۔(مَا ثَبَتَ بِا لسُّنّۃ،ص۱۵۳ )

سَحابِ رحمتِ باری ہے بارہویں تاریخ                         کرم کا چشمۂ جاری ہے بارہویں تاریخ

ہمیں تو جان سے پیاری ہے بارہویں تاریخ                   عَدو کے دِل کو کَٹاری ہے بارہویں تاریخ

ہزار عید ہوں ایک ایک لَحظہ پر قُرباں                         خُوشی دلوں پہ وہ طاری ہے بارہویں تاریخ

ہمیشہ تُونے غلاموں کے دِل کئے ٹھنڈے                     جلے جو تجھ سے وہ ناری ہے بارہویں تاریخ

حسن ؔ وِلادتِ سرکار سے ہوا روشن                               مِرے خدا کو بھی پیاری ہے بارہویں تاریخ

(ذوقِ نعت،ص۱۲۱-۱۲۲)

                                                صَلُّوْا عَلَی الْحَبِیْب!                                               صَلَّی اللّٰہُ عَلٰی مُحَمَّد

       اے عاشقانِ رسول !ہمیں  چاہیےکہ شریعت کے دائرے میں رہتے ہوئےخُصوصی اہتمام کے ساتھ اس دن(بارہویں شریف )اور بالخصوص پورےربیع الاول کو ہی نیک اعمال میں گزاریں ،اس ماہِ مقدس میں فرض نمازوں کےساتھ ساتھ نفل نمازوں کااہتما م کریں،اس ماہِ مقدس میں فرض نمازوں کےساتھ ساتھ تہجدکا اِہتمام کریں،اس ماہِ مقدس میں فرض نمازوں کےساتھ ساتھ اِشراق و چاشت کا اِہتمام کریں، اس ماہِ مقدس میں فرض نمازوں کےساتھ ساتھ صَلٰوۃُ الْاَوّابین کا اِہتمام کریں، اس ماہِ مقدس میں کثرت سے تلاوت ِ قرآن کریں، اس ماہِ مقدس میں خوب صدقہ و خیرات کریں ،اس ماہِ مقدس میں مسلمانوں کونیکی کی دعوت دیں،اس ماہِ مقدس میں مسلمانوں کو گناہوں سے بچانے  کی