سره د مَحبَّت او عشق تقاضه او علامت دا دے چه د هغوئي د اِطاعت او فرمانبردارئ كارونه اوكړے شي. حضرت سَهْل بن عَبدُ الله رَحْمَةُاللّٰهِ  تعالٰى  عَلَيْه فرمائي: الله تعالٰى سره د مَحبَّت علامت قرآنِ كريم سره مَحبَّت كول دي او قرآنِ كريم سره د محبت علامت د خوږ نبـي صَلَّى اللهُ تَعَالٰى عَلَيْهِ وَاٰلِهٖ وَسَلَّم سره مَحبَّت كول دي او د خوږ حبيب صَلَّى اللهُ تَعَالٰى عَلَيْهِ وَاٰلِهٖ وَسَلَّم سره د محبت نښه د هغوئي د سُنَّتو سره محبت كول دي او دے ټولو سره د مَحبَّت علامت دا دے چه آخرت سره محبت اوكړے شي او آخرت سره د محبت علامت دا دے چه د ضرورت نه علاوه دُنيا سره بُغض اوساتلے شي. (تفسير قرطبي،پ۳،آل عمران،تحت الآیۃ:۳۱،۲/۴۷ملتقطاً )

      خوږو او مُحترمو اسلامي ورونړو! د عِشقِ رَسُول نورے تقاضے هُم دي، لكه ٭ د عِشقِ رَسُول يوه تقاضه دا هُم ده چه الله او د هغه رَسُول سره مَحبَّت اوكړے شي ٭ د عِشقِ رَسُول يوه تقاضه دا هُم ده د هغوئي صَلَّى اللهُ عَلَيْهِ وَاٰلِهٖ وَسَلَّم ذِكر مبارك كثرت سره اوكړے شي ٭ د عِشقِ رَسُول يوه تقاضه دا هُم ده چه د هغوئي صَلَّى اللهُ عَلَيْهِ وَاٰلِهٖ وَسَلَّم ارشادات واوريدے شي او په هغے عمل اوكړے شي ٭ د عِشقِ رَسُول تقاضه دا هُم ده چه د هغوئي صَلَّى اللهُ عَلَيْهِ وَاٰلِهٖ وَسَلَّم ښار، اولاد او صحابه سره هُم مَحبَّت اوكړے شي ٭ د عِشقِ رَسُول يوه تقاضه دا هُم ده چه د هغوئي د هرے ادا سره مَحبَّت اوكړے شي ٭ د عِشقِ رَسُول يوه تقاضه دا هُم ده چه په هغوئي باندے د نازل شوي كتاب قرآنِ مجيد تلاوت اوكړے شي، په هغے ځان پوهه كړے شي او په هغے عمل اوكړے شي ٭ د عِشقِ رَسُول يوه تقاضه دا هُم ده چه خپل ټول ژوند په سُنَّتو باندے عمل كولو كښے تير كړي ٭ د عِشقِ رَسُول يوه تقاضه دا هُم ده چه مونږ د خپل خوږ آقا، جنابِ احمدِ مجتبىٰ صَلَّى اللهُ عَلَيْهِ وَاٰلِهٖ وَسَلَّم په سِيرت او كردار باندے