ښكلے نواراني مخ د پردے نه راښكاره كړي نو لمَر به هم شرميږي او سپوږمئ به هم مخ اړوي او سترګے به پټوي ځكه چه زما د خوږ مَدَني آقا صَلَّى اللهُ تَعَالٰى عَلَيْهِ وَاٰلِهٖ وَسَلَّم په شان بل هيڅ څوك نشته. په دے كښے دے حديثِ پاك طرف ته اشاره هم ده چه حضرت جابر بن سَمُره رَضِیَ اللّٰهُ تعالٰى  عَنْه فرمائى: يو ځل ما رَسُولُ الله صَلَّى اللهُ تَعَالٰى عَلَيْهِ وَاٰلِهٖ وَسَلَّم په داسے شپه چه د سپوږمئ رنړا ښه خوره وه، د كرښو والا سره جُبه مباركه اغوستلے اوليدلو، ما به كله سپوږمئ طرف ته كتل او كله به مے د خوږ آقا صَلَّى اللهُ تَعَالٰى عَلَيْهِ وَاٰلِهٖ وَسَلَّم نواراني مخ مبارك ته كتل، نو ما ته د هغوئي صَلَّى اللهُ تَعَالٰى عَلَيْهِ وَاٰلِهٖ وَسَلَّم مخ مبارك د سپوږمئ نه زيات ښائسته ښكاريدلو.           ( ترمذی،کتاب الأدب، باب ماجاء فی الرخصۃ فی لبس ۔۔۔الخ، ۴/۳۷۰، حدیث:۲۸۲۰)

     حضرت مُفـتي احمد يار خان نعيمـي رَحْمَةُاللّٰهِ  تعالٰى  عَلَيْه د دے حديثِ پاك په شرح كښے فرمائي: د صحابه كرامو عَلَيْهِمُ الرِّضْوان سترګو به حقيقت ليدلو او پيژندلو. ٭ په ډيرو وجوهاتو د خوږ آقا صَلَّى اللهُ تَعَالٰى عَلَيْهِ وَاٰلِهٖ وَسَلَّم نوراني مخ مبارك د سپوږمئ نه هم زيات ښائسته دے. ٭ سپوږمئ صرف د شپے پړقيږي او د خوږ مُصطَفىٰ صَلَّى اللهُ تَعَالٰى عَلَيْهِ وَاٰلِهٖ وَسَلَّم مخ مبارك شپه او ورځ ځليږي. ٭ سپوږمئ صرف درے شپے [يعني په ديارلسمه څوارلسمه او پينځلسمه شپه] (په خپله انتها) پړقيږي او د خوږ آقا صَلَّى اللهُ تَعَالٰى عَلَيْهِ وَاٰلِهٖ وَسَلَّم  نوراني مخ مبارك هميشه هره ورځ او هره شپه ځليږي. ٭ د سپوږمئ رنړا صرف په اَجسامو (يعني بدنونو) باندے لګي او د خوږ آقا صَلَّى اللهُ تَعَالٰى عَلَيْهِ وَاٰلِهٖ وَسَلَّم نُور بدنونو سره سره زړونه هم روښانه كوي. ٭ سپوږمئ كله وَړَه شي او كله غټه خو د خوږ آقا صَلَّى اللهُ تَعَالٰى عَلَيْهِ وَاٰلِهٖ وَسَلَّم