Share this link via
اعلیٰ حضرت رَحْمَۃُ اللّٰہ عَلَیْہ کی شاعری اور عشقِ رسولﷺ
یہ غزل عَرْض کرکے دِیدار کے اِنتظار میں مُؤدَّب(یعنی بااَدَب)بیٹھے ہوئے تھے کہ قسمت انگڑائی لیکر جاگ اُٹھی اور چشمانِ سر(یعنی سر کی آنکھوں ) سے بیداری میں زیارتِ محبوبِ باری سے مُشرَّف ہوئے۔([1])
یاالٰہی! کردے پوری ازپئے غوث و رضا
آرزوئے دیدِ سروَر بیکس و مجبور کی
(وسائلِ بخشش،ص۹۶)
صَلُّوْا عَلَی الْحَبِیْب! صَلَّی اللّٰہُ عَلٰی مُحَمَّد
پیاری پیاری اسلامی بہنو! اعلیٰ حضرت رَحْمَۃُ اللّٰہ عَلَیْہ نے عِشْقِ رسول کو اپنی زندگی کا سرمایَہ اور ذکرِ رسول کو گویا اپنا اوڑھنا بچھونا بنا رکھا تھا،ساری عُمْر اپنے محبوب آقا، مکی مدنی مُصْطَفٰے صَلَّی اللّٰہُ عَلَیْہِ وَاٰلِہٖ وَسَلَّمَ کی شانِ عظمت میں نعتیں لکھ لکھ کر لوگوں کو عِشْقِ رسول میں گرماتے رہے اور اُن کے دِل میں عِشْقِ حبیب کے دِیے جلاتے رہے،نیز اپنی زبان و قلم کے ذریعے تاجدارِ رسالت صَلَّی اللّٰہُ عَلَیْہِ وَاٰلِہٖ وَسَلَّمَ کی عزّت و نامُوس کی حفاظت کرتے رہے،چونکہ آپ رَحْمَۃُ اللّٰہ عَلَیْہ عاشِقِ صادِق تھے، لہٰذا دِیارِ حبیب کی حاضری کا شوق سینے میں موجیں مارتا رہا اور جب آپ رَحْمَۃُ اللّٰہ ِعَلَیْہ کو اپنے کریم آقا صَلَّی اللّٰہُ عَلَیْہِ وَاٰلِہٖ وَسَلَّمَ کے دربار میں حاضری کی سعادت ملی تو پیارے آقا،مکی مدنی مُصْطَفٰے صَلَّی اللّٰہُ عَلَیْہِ وَاٰلِہٖ وَسَلَّمَ کی شانِ عظمت میں دل کی گہرائیوں سے نکلے ہوئے اور عِشْقِ مُصْطَفٰے میں ڈُوبے ہوئے اَشعار اُس پاک بارگاہ میں پیش کردئیے۔رِقّت و سوز سے بھرپور اَشْعار کو دَرَجَۂ قبولیّت حاصل ہوا،غیب دان آقا صَلَّی اللّٰہُ عَلَیْہِ وَاٰلِہٖ وَسَلَّمَکی رحمت کو جوش آیا اور آپ صَلَّی اللّٰہُ عَلَیْہِ وَاٰلِہٖ وَسَلَّمَ نے اپنے دِیدار کا شربت پِلا کر گویا اعلیٰ حضرت کے عاشِقِ صادق ہونے پر اپنی مُہر لگادی ۔
BOOK TOPIC
- دُرُوْدِ پاک کی فضیلت
- مسئلہ :
- بَیان سُننے کی نیّتیں
- مالداروں کی چاپلوسی کیوں کروں ؟
- خوشامد سے بچیں
- عشق اور مَحَبَّت کسے کہتے ہیں؟
- عشقِ رسول کیا ہے؟
- عشقِ رسول کے تقاضے
- سلامِ رضا کی گونج
- مناظرِ کائنات اور حدائقِ بخشش
- چاند اور تَخَیُّلاتِ رضا
- چودھویں کا چاند اور طیبہ کا چاند
- اعلیٰ حضرت کا عِشْقِ رسول
- نام رکھنے کے چند نکات
