خوش قسمتی سے  ان کی ملاقات دعوتِ اسلامی سے وابستہ ایک اسلامی بھائی سے ہو گئی، انہوں نے تسلی دیتے ہوئے کہا:پیارے بھائی گھبرانے کی کوئی بات نہیں! آپ دعوتِ اسلامی کے قافلے میں سفر کریں، وہاں بیروزگاری سے نجات کی دعا کریں، اِنْ شَآءَ اللہ کرم ہو گا۔  کچھ ہی دنوں میں ایک کمپنی میں ان کا انٹرویو تھا،انہوں نے ارادہ کر لیا کہ انٹرویو کے بعد 3 دن قافلے میں سفر کریں گے۔ انٹرویو کے بعد وہ قافلے کے مسافر بن گئے ۔ ابھی دوسراہی دن تھا کہ انہیں خبر ملی آپ انٹرویو میں کامیاب ہو چکے ہیں ، چنانچہ قافلے سے واپسی کے چند روز بعدہی انہیں  کمپنی کی طرف سے لیٹر بھی مل گیا۔ یوں اَلْحَمْدُلِلّٰہ قافلے کی برکت سے  انہیں روز گار مل گیا۔

نوکری چاہئے، آئیے آئیے                                              قافلے میں چلیں، قافلے میں چلو

تنگدستی مٹے، دُور آفت ہٹے                                            لینے کو بَرَکتیں، قافلے میں چلو

دُور بیماریاں اور پریشانیاں                                                ہوں گی بس چل پڑیں، قافِلے میں چلو

سُن لے عطاّرؔ کی، اپنے غمخوار کی                                        یہ ندا ’’سب چلیں‘‘! قافِلے میں چلو

(وسائلِ بخشش مرمَّم،ص۶۷۲-۶۷۵)

صَلُّو ْا عَلَی الْحَبِیْب!                                           صَلَّی اللہُ عَلٰی مُحَمَّد

       اے عاشقانِ رسول! ہم اعلیٰ حضرت رَحْمَۃُ اللہِ عَلَیْہ کی شاعری سے متعلق بیان سننے کی سعادت حاصل کر رہے ہیں اورہم نے اعلیٰ حضرت رَحْمَۃُ اللہِ عَلَیْہ کے عشقِ رسول صَلَّی اللّٰہُ عَلَیْہِ وَاٰلِہٖ وَسَلَّم پر مبنی چاند سے متعلق کچھ اشعار اور ان کی وضاحت سُنی، حدائقِ بخشش میں ایسے ہی کئی اشعار جا بجا اپنی خوشبوئیں بکھیر رہے ہیں، آپ کی لکھی ہوئی نعتوں کو پڑھتے جائیں سنتے جائیں لفظ لفظ سے عشق و محبت کا چشمہ پھوٹتا نظر آتا ہے۔ آپ کی لکھی ہوئی بعض نعتیں عالَمِ اسلام  کے بچے بچے کی زبان پر ہیں، جسے