Tabarukat Ki Barakaat

Al Quran Books Madani Channel

Magazine Courses Media

خوشخبری سنانے والے حضرت یوسُف عَلَیْہِ السَّلَام کے بھائی یہودا تھے۔یہودا نے کہا:حضرت یعقوب عَلَیْہِ السَّلَامکے پاس خون آلودہ(یعنی خون سے تَر)قمیص بھی میں ہی لے کر گیا تھا، میں نے ہی کہا تھا کہ حضرت یوسف عَلَیْہِ السَّلَام کو بھیڑیا کھا گیا، میں نے ہی اُنہیں غمگین کیا تھا،اس لئے آج کُرتا بھی میں ہی لے کر جاؤں گا اور حضرت یوسف عَلَیْہِ السَّلَامکی زندگی کی خبر بھی میں ہی سناؤں گا۔چنانچہ یہودا کُرتا لے کر80 فرسنگ(یعنی240میل)دوڑتےہوئےآئے۔یہودانے جب حضرت یوسف عَلَیْہِ السَّلَامکی قمیص حضرت یعقوب عَلَیْہِ السَّلَامکے چہرے پر ڈالی تو اُسی وَقْت ان کی آنکھیں درست ہوگئیں اور کمزوری کے بعد قُوَّت اور غم کے بعد خوشی لوٹ آئی،پھر حضرت یعقوب عَلَیْہِ السَّلَام نے فرمایا:میں نے تم سے نہ کہا تھا کہ میں اللّٰہ پاک کی طرف سے وہ بات جانتا ہوں جو تم نہیں جانتے کہ حضرت یوسف عَلَیْہِ السَّلَامزندہ ہیں اور اللّٰہ پاک ہمیں آپس میں ملادےگا۔(تفسیرکبیر،یوسف،تحت الآیۃ:۹۶، ۶/۵۰۸،جمل مع جلالین،یوسف،تحت الآیۃ: ۹۶، ۴/۸۰، ملتقطاً)(صراط الجنان،۵/۵۴ملخصاً)

صَلُّوْا عَلَی الْحَبِیْب! صَلَّی اللّٰہُ عَلٰی مُحَمّد

پیارے پیارے اسلامی بھائیو!غور کیجئے!حضرت یوسف عَلَیْہِ السَّلَامخود نبی ہیں، وہ ایک اور نبی،اپنے والد حضرت یعقوب عَلَیْہِ السَّلَامکے آنکھوں کے مرض کیلئے تَبَرُّک کے طور پر اپنا کُرتا بھیج رہے ہیں اور جب اس کُرتے کو ان کے چہرے پر ڈالا گیا تو اللہ پاک نے انہیں آنکھوں کی بیماری سے شفا عطا فرما دی۔ اس سے معلوم ہوا!بزرگوں سے نسبت رکھنے والی چیزوں کو بَرَکت والی سمجھنا اور ان سے برکتیں لینا انبیائے کرام عَلَیْہِمُ السَّلَامکا طریقہ رہا ہے اور اس واقعے کو قرآنِ پاک میں ذکر فرمانا،اس بات کا اعلان ہے کہ تبرکات سے فائدہ ہوتا ہے۔آئیے!نسبت کی بَرَکت پر مُشْتَمِل ایک ایمان افروز واقعہ سنتے ہیں،چنانچہ

Important

Mobile Apps

Contact Us