Book Name:Khush Qismat Kon
صَـلُّـوْا عَلَـی الْحَبِیْب! صَلَّی اللّٰـہُ عَلٰـی مُـحَـمَّـد
خوږو او مُحترمو اسلامي ورونړو! نن زمونږ د بيان موضوع ده خوش قِسمته څوك دے؟ هر چا د خپل سوچ مطابق د خوش قِسمتئ معيار جوړ كړے دے، څوك وائي چه د چا سره ښه ګاډے وي، هغه ډير خوش قسمته دے، څوك وائي چه د چا سره ډير مال و دولت دے، هغه ډير خوش قسمته دے، څوك وائي چه د چا كور ډير ښائسته دے، هغه ډير خوش قسمته دے، څوك وائي چه د چا د غټو غټو خلقو سره رابطے دي، هغه ډير خوش قسمته دے، څوك وائي چه څوك بَهَر ملك كښے اوسيږي، هغه ډير خوش قسمته دے. الغرض دهر چا خپل خپل سوچ دے، نن به مونږه د قرآن و حديث په رنړا كښے په دے خبره د پوهيدلو كوشش كوو چه آيا مونږه څوك خوش قسمته ګنړو هُم هغه خلق خوش قسمته دي يا حقيقت څه نور دے؟ كاش چه مونږ ته ټول بيان ښو ښو نيتونو سره د اوريدلو توفيق رانصيب شي.
”خوش قِسمته څوك دے؟“ راځئ چه د دے متعلق يو حديثِ پاك واورو: چنانچه
يوه ورځ نبـىِّ كريم رَءُوْفٌ رَّحِيْم صَلَّى اللهُ تَعَالٰى عَلَيْهِ وَاٰلِهٖ وَسَلَّم صحابه كرامو عَلَيْهِمُ الرِّضْوان ته اوفرمائيل: آيا تاسو ته معلومه ده چه ستاسو او ستاسو د اهل و عيال (يعني كورنئ)، او مال او اعمالو مثال څه دے؟ صحابه كرامو عَلَيْهِمُ الرِّضْوان عرض اوكړو: اَللّٰـہُ وَرَسُـوْلُـہُ اَعْـلَـم يعني الله پاك او د هغه رسول صَلَّى اللهُ تَعَالٰى عَلَيْهِ وَاٰلِهٖ وَسَلَّم ښه پوهيږي. خوږ آقا صَلَّى اللهُ تَعَالٰى عَلَيْهِ وَاٰلِهٖ وَسَلَّم ارشاد