وړه خبره د يو بل نه خفه دي الغرض نن هر طرف ته مسلمانان په بُغض و كينه او حَسَد كښے اخته دي، حالانكه بُغض و كينه او حَسَد ډير غټ ګناهونه دي، راځئ چه خپلو زړونو كښے د مسلمانانو محبت پيدا كولو او د بُغض و كِينه او حسد نه ځان خلاصولو د پاره يو روايت واورو: چنانچه

جنت ته بوتلونكے عمل

     يو ځل تاجدارِ انبياء، مكّي مدني مصطفٰى صَلَّى اللهُ تَعَالٰى عَلَيْهِ وَاٰلِهٖ وَسَلَّم صحابه كرامو عَلَيْهِمُ الرِّضْوان ته اوفرمائيل: اوس به په دے لاره ستاسو خوا ته يو جَنَّتی كس راشي. په دے كښے يو انصاري صحابي راغللو، هغوئي خپل پيزار په ګس لاس كښے نيولے وو او د ګيرے مباركے نه ئے د اوداسه اوبه څڅيدلے، هغوئي حاضر شو او سلام ئے عرض كړو. په دويمه ورځ بيا خوږ آقا صَلَّى اللهُ تَعَالٰى عَلَيْهِ وَاٰلِهٖ وَسَلَّم هم هغه ارشاد اوفرمائيلو: نو بيا هُم هغه انصاري صحابي د مخكښے په شان راغللو، په دريمه ورځ هم هغسے اوشو. حضرت عبدُ الله بن عَمرو بن العاص رَضِیَ اللّٰهُ تعالٰى  عَنْه هغه صحابي پسے شا ته روان شو او ورغلو د هغوئي نه ئے په څه طريقه د درے ورځو پورے [هغوئي سره] د اوسيدلو اجازت واخستلو. چنانچه هغوئي درے شپے د هغه انصاري صحابـي سره تيرے كړے خو هغوئي ئے په شپه كښے په عبادت اُو نه ليدلو خو چه كله به په خپله بستره باندے په ډډه اووښتلو نو د الله پاك ذكر به ئے كولو تر دے چه د سحر لمَانځه ته به پاڅيدلو. حضرت عبدُ الله رَضِیَ اللّٰهُ تعالٰى  عَنْه فرمائي چه ما د [هغه] انصاري صحابـی نه د ښے خبرے نه علاوه څه وا نه اوريدل. چه كله درے ورځے پوره شوے نو ما اووئىل: اے د الله بنده! ما د نبـی اكرم صَلَّى اللهُ تَعَالٰى عَلَيْهِ وَاٰلِهٖ وَسَلَّم نه درے ځله دا فرمان واوريدلو چه اوس به ستاسو خوا ته يو جنـتي کس راشي او درے واړه ځله