كارونو باندے د عمل كولو ترغيب راكړو.

صَـــلُّـــوْا  عَـــلَـی   الْــحَـــبِــيْــب!                    صَـلَّـی اللهُ   تَعالٰـی عَلـٰی   مُـحَـمَّد

     مُحترمو اسلامي ورونړو! مونږه د حضرت سَيِّدُنا بلالِ حبشي رَضِىَ اللهُ  تَعَالٰی  عَـنْهُ  د عِشقِ رَسُول واقعات اوريدل، ايمان راوړلو او د غلامئ نه ازاديدو نه پس عاشِقِ بے مثال حضرت سَيِّدُنا بلال رَضِىَ اللهُ  تَعَالٰی  عَـنْهُ د خپل ژوند هغه ښكلے ورځے شپے د سركارِ عالي وقَار مَدَني تاجدَار صَلَّى اللهُ عَلَيْهِ وَاٰلِهٖ وَسَلَّم په خدمت كښي تيرے كړے، يقيناً حقيقي عاشق چه د خپل محبوب ديدار اونكړي نو هغه د خپل محبوب د دِيدار د پاره بے قراره اوسي، هم دا وجه وه چه كله حضور نبي كريم صَلَّى اللهُ عَلَيْهِ وَاٰلِهٖ وَسَلَّم د دنيا نه ظاهري پرده اوكړه نو د حضرت سَيِّدُنا بلالِ حبشي رَضِىَ اللهُ  تَعَالٰی  عَـنْهُ حالت بدل شو، هغوئي به د مدينے منورے په كوڅو كښي ګرځيدلو او دا به ئے وئيل: چه اے خلقو! تاسو كه چرته رسول الله  صَلَّى اللهُ عَلَيْهِ وَاٰلِهٖ وَسَلَّم ليدلے وي نو ماته ئے هم اوښائے يا ما ته د هغوئي پته راكړئ. په هم دے غم كښے هغوئي د مدينے مُنَـوَّرے نه هجرت اوكړو او شام ته لاړو.  

 كله چه حضرت سَيِّدُنا بلال رَضِىَ اللهُ  تَعَالٰی  عَـنْهُ مدينے مُنَـوَّرے نه مُلكِ شام ته هجرت اوكړو او د شام په علاقه ”دَارَيَّـا“ كښي ئے سكونت اختيار كړو. نو يوه شپه د هغوئي په خوب كښے د الله تعالٰى محبوب صَلَّى اللهُ عَلَيْهِ وَاٰلِهٖ وَسَلَّم تشريف راوړو او ارشاد ئے ورته اوفرمائيلو چه اے بلاله! دا څنګه بے وفائي ده، آيا تر اوسه لا هغه وخت نه دے راغلے چه ته زما زيارت د پاره مدينے ته راشے. عاشقِ بے مثال حضرت سَيِّدُنا بلال رَضِىَ اللهُ  تَعَالٰی  عَـنْهُ د غم او يَرے په حالت كښي د خوبه رابيدار شو ، په سورلئ سور شولو او د مدينے مُنَـوَّرے په طرف روان شو. كله چه د مدينے مُنَـوَّرے نُوراني او ښائسته فضا كښي ور داخل شو نو بے تابئ