د چا د ښپو ښكالو [يعني آواز] واوريدلو هغوئي صَلَّى اللهُ عَلَيْهِ وَاٰلِهٖ وَسَلَّم ته اووئيلے شو چه دا د بلالِ حبشي رَضِىَ اللهُ  تَعَالٰی  عَـنْهُ د ښپو آواز دے. ( مشكوة المصابيح،كتاب المناقب، باب مناقب عمر، ٢/٦٠٣٧، الحديث: ملتقظا )

سُبْحٰنَ اللهِ ! د حضرت سَيِّدُنا بلالِ حبشي رَضِىَ اللهُ  تَعَالٰی  عَـنْهُ شان نه قربان! چه خوږ نبي د مدينے جانان صَلَّى اللهُ عَلَيْهِ وَاٰلِهٖ وَسَلَّم ئې د ښپو كشارے په جَنَّت كښي اوري، هغوي رَضِىَ اللهُ  تَعَالٰی  عَـنْهُ ته دا مرتبه  په وجه ملاو شوه، راځئ چه  واورو: چنانچه

جَنَّت ته بوتلونكے عمل

حضرت سَيِّدُنا بريده رَضِىَ اللهُ  تَعَالٰی  عَـنْهُ نه روايت دے چه يو سحر نبي كريم صَلَّى اللهُ عَلَيْهِ وَاٰلِهٖ وَسَلَّم [د خوب نه] را بيدار شو نو حضرت بلالِ حبشي رَضِىَ اللهُ  تَعَالٰی  عَـنْهُ ته ئے اوفرمائىل: چه اے بلاله! څه څيز ته زما نه مخكښے جَنَّت ته بوتلے؟ نن شپه زه جَنَّت ته داخل شوم نو ما د ځان نه مخكښے ستا د ښپو آواز واوريدلو. نو حضرت سَيِّدُنا بلال رَضِىَ اللهُ  تَعَالٰی  عَـنْهُ عرض اوكړو : چه يا رَسُولَ الله صَلَّى اللهُ عَلَيْهِ وَاٰلِهٖ وَسَلَّم ! زه (د اودس كولو نه پس) هميشه دوه ركعاته كووم بيا اذان كووم او چه كله بے اودسه شم نو فورا اودس كووم نو رحمت عالم صَلَّى اللهُ عَلَيْهِ وَاٰلِهٖ وَسَلَّم اوفرمائىل: (ښه) هُم دا وجه ده. ( ترمذي، كتاب المناقب، باب في مناقب ابي حفص...الخ، /، حديث: ملتقطا )

اے د صحابه كرامو عاشقانو! تاسو واوريدل چه سَيِّدُنا بلالِ حبشي رَضِىَ اللهُ  تَعَالٰی  عَـنْهُ د نفل لـمونځ څومره جذبه لرله، چه كله به ئے هم اودس اوكړو نو  دوه ركعاته تَحِيَّةُ الْوُضُو به ئے ادا كول. او بل طرف كه مونږه خپل كردار ته اوګورو نو زمونږ دا حال دے چه نفل څه چه بعضے خلق فرض او واجب لـمونځ كښے هُم سستي كوي، دوستانو سره په فضولو خبرو كښي وخت ضائع كوو خو لـمانځه د پاره جمات ته د تللو وخت راسره نه وي. د