٭کسی بیمارکی عیادت کرنا خیرخواہی ہے ، فرمانِ مُصْطَفٰے صَلَّی اللّٰہُ  عَلَیْہِ واٰلِہٖ وَسَلَّمَ ہے : جس نے مریض کی عیادت کی ، جب تک وہ بیٹھ نہ جائے دریائے رحمت میں غو طے لگاتا رہتاہےاورجب وہ بیٹھ جاتا ہےتو رحمت میں ڈوب جاتاہے۔ (مسند امام احمد ، مسند جابربن عبداللہ  ،  ۵ / ۳۰ ، رقم :  ۱۴۲۶۴) ٭مسلمان کی تکلیف دور کرناخیرخواہی ہے ، فرمانِ مُصْطَفٰے صَلَّی اللّٰہُ  عَلَیْہِ واٰلِہٖ وَسَلَّمَ ہے : جوکسی مسلمان کی تکلیف دور کرے اللہ پاک قِیامت کی تکلیفوں میں سےاُس کی تکلیف دُور فرمائے گا۔  (مُسلِم  ، کتاب البر والصلۃ ۔ ۔ الخ  ، ص۱۰۶۹ ، حدیث : ۶۵۷۸)  ٭مسلمان کی عزت کی حفاظت کرنا خیرخواہی ہے ، فرمانِ مُصْطَفٰے صَلَّی اللّٰہُ  عَلَیْہِ واٰلِہٖ وَسَلَّمَ ہے : جومسلمان اپنے بھائی کی عزت(خراب کرنے)سےروکے( یعنی کسی مسلمان کی بے عزتی ہوتی تھی اس نےمنع کیا)تو اللہ  پاک پر حق ہےکہ قیامت کےدن اس کو دوزخ کی آگ سےبچائے۔ (شرحُ السنّۃ  ، ۶  / ۴۹۴  ، حدیث :  ۳۴۲۲) ٭ مسلمان کا دل  خوش کرنا خیرخواہی ہے ، فرمانِ مُصْطَفٰے صَلَّی اللّٰہُ  عَلَیْہِ واٰلِہٖ وَسَلَّمَ ہے : فرائض کےبعدسب اعمال میں الله پاک کو زیادہ پیارا مسلمان کادل خوش کرناہے۔ (مُعْجَم کَبِیْر  ، ۱۱  /  ۵۹ ، حدیث :  ۱۱۰۷۹)٭ معاف کرنا خیرخواہی  ہے ، فرمانِ مُصْطَفٰے صَلَّی اللّٰہُ  عَلَیْہِ واٰلِہٖ وَسَلَّمَ ہے : اللہ پاک بندے کے معاف کرنے کی وجہ سے اس کی عزت میں اضافہ فرمادیتا ہے اورجوشخص اللہ پاک کے لئے عاجزی اختیارکرتا ہے اللہپاک اسے بلندی عطا فرماتاہے۔ (مسلم ، کتاب البر ، باب استحباب العفو والتواضع ، ص ۱۰۷۱ ، حدیث :  ۶۵۹۲)٭نیکی کی دعوت دینااوربُرائی سےمنع کرناخیر خواہی ہے ، حضرت کعبُ الاَحباررَضِیَ اللہُ  عَنْہُ فرماتے ہیں : جَنَّتُ الْفِرْدَوْس خاص اس کے لئے سجائی جاتی ہے جو نیکی کا حکم کرے اور بُرائی سے روکے۔ (تنبیہ المغترین ، ص۲۳۶)٭غریب مسلمانوں کی مددکرنا بھی خیرخواہی ہے ، فرمانِ مُصْطَفٰے صَلَّی اللّٰہُ  عَلَیْہِ واٰلِہٖ وَسَلَّمَ ہے : جس نےمسلمان بھائی کی حاجت پوری کی وہ ایسا ہےجیسےاُس نے ساری عمر اللہ پاک  کی عبادت کی ۔ (کنزالعمال ، کتاب الزکوٰۃ ، باب قضاء الحوائج ۔ ۔ ۔ الخ ، ۶ / ۱۸۹ ، حدیث : ۱۶۴۵۳)٭عِلْم دین سیکھنے سکھانے کے لئے