اووتله، د هغه د چغے سره فاروقِ اعظم رَضِىَ اللهُ  تَعَالٰی  عَـنْهُ راويښ شولو او هغه عجمي كس ئې اوليدلو چه توره په لاس ولاړ دے او بدن ئې په لړزان دے. هغوئي  رَضِىَ اللهُ  تَعَالٰی  عَـنْهُ ترينه د چغے او ويرے د وجهے  تپوس اوكړو نو هغه رښتيا رښتيا ټوله واقعه بيان كړه او بيا ئې په اوچت آواز كلمه طيبه اولوستله او مسلمان شو،  اَميرُ المُؤمِنِين هغه سره ډير د مهربانئ او نرمئ سُلوك اوكړو او د هغه قصور ئې مُعاف كړو. (ازالۃ الخفاء،فصل رابع، ۴/۱۰۹)

          خوږو او مُحترمو اسلامي ورونړو! غور اوكړئ چه حضرت عمر فاروقِ اعظم رَضِیَ اللّٰهُ تعالٰى  عَنْه   اَميرُ المُؤمِنِين وو، دوه ويشت نيم لكه مربع ميل باندے يواځې حكمران وو، د زرګاؤ فوځيانو كمانډر او لكونه كروړونه خلق د هغوئي ماتحت وو، هغوئي كه غوښتلے نو عالي شانې بنګلے به ئې جوړي كړي وے، په هغه بنګلو كښې به ئې د هر قِسمه سهولتونو انتظام كړے وے، په هغه بنګلو كښې به ئې د دُنيا ښكلي او ښائسته څيزونه جمع كړي وے، په هغه بنګلو كښې به ئې ښكلي ښكلي چمنونه جوړ كړي وے، لوئي لوئي باغونه به ئې پكښې جوړ كړي وے. ښكلي مرغئ او ښائسته ځناور به ئې پكښې راجمع كړي وے، د صفا صفا اوبو عاليشان تالابونه به ئې پكښې جوړ كړي وے، بيشميره نوكران او غلامان به ئې وے. په هغه بنګلو كښې به ئې عاليشانے كوټے جوړي كړي وے او د ريښمنو قالينونه او پردے به ئې پكښې لګولي وے. د آرام كولو د پاره به ئې نرمے نرمے بسترے وے.  الغرض كه حضرت عمر فاروقِ اعظم رَضِیَ اللّٰهُ تعالٰى  عَنْه غوښتلے نو د عيش او عِشرت نه ډك ژوند به ئې تيرولے، خو هغوئي داسې اونكړل،