راځئ چه! د ټولو نه مخكښې يو حِكايت واورو:

د حق و صداقت امين جَنَّتي محل

          د دعوتِ اسلامي د اشاعتي ادارے مَكْتَبَةُ المَدِينه كتاب ”فیضانِ فاروقِ اعظم“ جلد 2 صفحه 169 كښې دي: اَميرُ المُؤمِنِين حضرت علـى المُرتضٰى شيرِ خُدا کَرَّمَ اللّٰهُ تعالٰى وَجْهَهُ الْکَرِیْم  نه روايت دے چه يو ځل حضرت عمر فاروقِ اعظم رَضِیَ اللّٰهُ تعالٰى  عَنْه په بارګاهِ رسالت كښې عرض اوكړو: يارَسُولَ الله صَلَّى اللهُ تَعَالٰى عَلَيْهِ وَاٰلِهٖ وَسَلَّم! ما ته خبر راكړئ چه د معراج په شپه تاسو په جنت كښې څه څه ليدلي وو؟ خوږ آقا صَلَّى اللهُ تَعَالٰى عَلَيْهِ وَاٰلِهٖ وَسَلَّم ارشاد اوفرمائيلو: اے عمر بن خطاب! كه زه په تاسو كښې دومره موده پاتې شم څومره موده چه حضرت نوح عَلَيْهِ السَّلام په خپل قوم كښې ([يعني] د زرو كالو پورے) پاتې شوے وو او بيا زه تاسو ته  هٰغه جنتي واقعات او مشاهدات بيانووم نو بيا به هُم ختم نه شي. خو اے عمره! چه تا ما ته دا اووئيل چه ما ته د جَنَّت خبرے اوښايه نو زه بيا تا ته هغه خبره ښائم كومه چه ما ستا نه علاوه بل چا ته نه ده ښودلي. (او هغه دا ده چه) ما په جَنَّت كښې يو عاليشان محل اوليدو چه د هغے دُرشل د جنتي زمكے نه لاندې وو او برنئ حصه ئې د عرش په مينځ كښې وه. ما د جبريل امين عَلَيْهِ السَّلام نه تپوس اوكړو: اے جبريل! آيا تا ته د هٰغه عاليشان محل په باره كښې معلومه ده چه د هغے دُرشل د جنتي زمكے نه لاندې وو او پاسنئ حصه ئې د عرش په مينځ كښې ده.؟ نو جبريل عَلَيْهِ  السَّلام عرض اوكړو: يارَسُولَ الله صَلَّى اللهُ تَعَالٰى عَلَيْهِ وَاٰلِهٖ وَسَلَّم! ما ته نه ده معلومه. ما ترينه بيا تپوس اوكړو: اے جبريل!